រដ្ឋបាលខេត្តកោះកុង

ឯកឧត្តម លី សារ៉េត អនុប្រធានគណៈកម្មាធិការសាខា កាកបាទក្រហមកម្ពុជា ខេត្តកោះកុង សមាជិក សមាជិកាគណៈកម្មាធិការសាខា នាយក បានអញ្ជើញដឹកនាំ ក្រុមប្រតិបត្តសាខា យុវជន កក្រក ចូលរួម គោរពវិញ្ញាណក្ខន្ធសព ឯកឧត្តមព្រឹទ្ធាចារ្យ រួន សិង្ហផាន់ អតីតប្រធានកាកបាទក្រហមខេត្តកោះកុង នៅវត្តព្រែកស្វាយ ស្ថិតក្នុងសង្កាត់ស្ទឹងវែង ក្រុងខេមរភូមិន្ទ ខេត្តកោះកុង។

នៅក្នុងឱកាសដ៏សែនក្រៀមក្រំនេះផងដែរ ឯកឧត្តម លី សារ៉េត អនុប្រធានគណៈកម្មាធិការសាខា ព្រមទាំង សមាជិក សមាជិកា គណៈកម្មាធិការសាខា ពិតជាមានេសចក្តីរន្ធត់ សោកសង្រេង ឥតឧបមា ចូលរួមរំលែកទុក្ខយ៉ាងក្រៀមក្រំបំផុតចំពោះមរណៈភាព របស់ឯកឧត្តមព្រឹទ្ធាចារ្យ រួន សិង្ហផាន់ អតីតប្រធានកាកបាទក្រហមខេត្តកោះកុង និងសូមពាំនាំនូវសារសូមចូលរួមរំលែកមរណៈទុក្ខរបស់លោកជំទាវ មិថុនា ភូថង ប្រធានគណៈកម្មាធិការសាខា ឯកឧត្តម ប៊ុន លើត ប្រធានកិត្តិយសសាខា ពិសេស សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជាមួយ សមាជិកជាក្រុមគ្រួសារនៃសព ដែលបានបាត់បង់ ឪពុក ជីតា ជាទីស្រឡាញ់ ប្រកបដោយព្រហ្មវិហារធម៌ និងជាម្លប់ដ៏ត្រជាក់ សម្រាប់ក្រុមគ្រួសារ នាពេលកន្លងមក ។

ឯកឧត្តម និងសការីទាំងអស់ ក៏សូមបួងសួងគុណបុណ្យព្រះរតនត្រ័យ និងវត្ថុស័ក្តសិទ្ធទាំងអស់ក្នុងលោក សូមប្រោសព្រំដួងវិញ្ញាណក្ខន្ធរបស់ឯកឧត្តមព្រឹទ្ធាចារ្យ បានទៅកាន់សុគតិភពនៃឋានបរិនិព្វាន ជានិច្ចនិរន្តរ៍ កុំបីឃ្លៀងឃ្លៀតឡើយ។