ថ្ងៃពុធ ៣ រោច ខែអាសាឍ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី៨ ខែកក្កដា ឆ្នាំ២០២០ : លោក សៀង កក្កដា អភិបាលរងក្រុងខេមរភូមិន្ទ បានដឹកនាំកិច្ចប្រជុំសិក្សា ពិគ្រោះយោបល់ ក្នុងការរៀបចំសេចក្តីណែនាំបំពេញបន្ថែមលើសេចក្តីណែនាំបច្ចេកទេស ស្តីពីការកសាងកម្មវិធីវិនិយោគបីឆ្នាំរំកិលក្រុង ស្រុក ខណ្ឌ ជាមួយក្រុមការងារក្រសួងមហាផ្ទៃ ដឹកនាំដោយ លោក ញ៉វ តង អនុប្រធាននាយកដ្ឋានកិច្ចការរដ្ឋបាលក្រុង/ស្រុក ឃុំ សង្កាត់ ។ ក្នុងកិច្ចប្រជុំនេះ លោកអភិបាលរង បានលើកឡើងនូវចំណុចខ្លាំង ចំណុចខ្សោយ បញ្ហាប្រឈម នានា ក្នុងការរៀបចំផែនការ និងកម្មវិធីវិនិយោគរបស់រដ្ឋបាលក្រុង ព្រមទាំងបានពិភាក្សាគ្នា លើបញ្ហាទាំងនោះ និងស្វែងដំណោះស្រាយ ដើម្បីធ្វើឲ្យការអនុវត្តកម្មវិធីវិនិយោគ០៣ ឆ្នាំរំកិលរបស់រដ្ឋបាលក្រុង សង្កាត់ មានភាពល្អប្រសើរ ។
#ប្រភពពី:រដ្ឋបាលក្រុងខេមរភូមិន្ទ#
