រដ្ឋបាលខេត្តកោះកុង

ថ្ងៃទី២៧ ខែមីនា ឆ្នាំ២០២៥ លោកស្រី ហួន ច័ន្ទមូលី អនុប្រធានមន្ទីរបរិស្ថាន បានដឹកនាំការិយាល័យជំនាញនីមួយៗក្នុងមន្ទីរ ចូលរួមប្រជុំតាមប្រព័ន្ធ Zoom meeting ស្ដីពី «លិខិតគតិយុត្តគាំទ្រការគ្រប់គ្រងចំណូលមិនមែនសារពើពន្ធ ដែលជាផ្នែកមួយនៃការផ្ទេរមុខងារ និងការចែករំលែកចំណូលពីរដ្ឋបាលថ្នាក់ជាតិ ទៅរដ្ឋបាលថ្នាក់ក្រោមជាតិ» នៅសាលប្រជុំមន្ទីរបរិស្ថានខេត្តកោះកុង ដោយមានអ្នកចូលរួមចំនួន ១២រូប (ស្រី ៥នាក់)។ កិច្ចប្រជុំនេះមានគោលបំណងពង្រឹងសមត្ថភាពរដ្ឋបាលថ្នាក់ក្រោមជាតិ ក្នុងការគ្រប់គ្រងចំណូលមិនមែនសារពើពន្ធឱ្យកាន់តែមានប្រសិទ្ធភាព និងតម្លាភាព ។