សាលាគណគណៈមហានិកាយ សាលាគណគណៈធម្មយុត្តិកនិកាយ និងមន្ទីរធម្មការនិងសាសនាខេត្តកោះកុង សូមប្រគេន និងជម្រាបជូនថាៈ នៅថ្ងៃទី៥ ខែមករា ឆ្នាំ២០២៥ ខាងមុខនេះនឹងមានពិធីប្រឡងវិញ្ញាបនបត្រធម្មវិន័យ ថ្នាក់ ត្រី ទោ ឯក សម្រាប់ឆ្នាំសិក្សា២០២៤ នៅ មណ្ឌលប្រឡងសាលាបឋមសិក្សា យុទ្ធ ភូថង ព្រែកស្វាយ ស្ថិតក្នុងភូមិព្រែកស្វាយ សង្កាត់ស្ទឹងវែង ក្រុងខេមរភូមិន្ទ ខេត្តកោះកុង។
ក្នុងការប្រឡងនេះ មានបេក្ខសមណសិស្ស និងបេក្ខជនចំនួន ១៦៨អង្គ/នាក់ ចូលរួមប្រឡង ហើយគណៈ កម្មការប្រឡងមានចំនួន ៣៥អង្គ/នាក់។
ដើម្បីទ្រទ្រង់ដល់ការប្រឡងជាពិសេសការផ្គត់ផ្គង់ ចង្ហាន់ និងភេសជ្ជៈប្រគេនបេក្ខសមណៈ បេក្ខជន និងគណៈ កម្មការប្រឡងខាងលើ សាលាគណទាំងពីរគណៈ និងមន្ទីរធម្មការនិងសាសនាខេត្ត សូមអំពាវនាវចំពោះ ព្រះថេរានុត្ថេរៈ គ្រប់ព្រះអង្គ ព្រះមន្ត្រីសង្ឃ ព្រះចៅអធិការគ្រប់វត្ត សម្តេច ទ្រង់ ឯកឧត្តម លោកជំទាវ លោក លោកស្រីប្រជាពុទ្ធបរិស័ទ ជិតឆ្ងាយ ព្រះមេត្តា និងមេត្តាចូលរួមឧបត្ថម្ភគាំទ្រជាថវិកា ចង្ហាន់ ភេសជ្ជៈ និងវត្ថុទានផ្សេងៗតាមកម្លាំងសទ្ធា រៀងៗខ្លួន។
សូមប្រគេន និងជូនពរ សូមប្រកបដោយពុទ្ធពរទាំង៤ប្រការគឺ អាយុ វណ្ណៈ សុខ និងពលៈកុំបី ឃ្លៀងឃ្លាត ឡើយ។
