អនុសាខាកាកបាទស្រុកគិរីសាគរ ស.ស.យ.ក ស្រុកគិរីសាគរ និងរដ្ឋបាល ឃុំកោះស្តេច បានឧបត្ថម្ភដល់អ្នកជម្ងឺក្រីក្រ ដែលត្រូវបញ្ជូនទៅពិនិត្យព្យាបាលជម្ងឺ នៅមន្ទីរពេទ្យរាជធានីភ្នំពេញជាបន្ទាន់

ថ្ងៃទី១៦ ខែមិថុនា ឆ្នាំ២០២០ តាមកាណែនាំរបស់លោកអភិបាលស្រុកគិរីសាគរ និងជាប្រធានអនុសាខាកាកបាទក្រហម បានចាត់ឱ្យសមាជិកអនុសាខាកាកបាទក្រហមស្រុក ឧបត្ថម្ភថវិកាចំនួន ២០០,០០០ រៀល ជាមួយគ្នានេះដែរក៏មានការចូលរួមឧបត្ថម្ភពី ស.ស.យ.ក ស្រុក ចំនួន ១០០,០០០ រៀល និងរដ្ឋបាលឃុំកោះស្តេច ចំនួន ២០០,០០០ រៀល សរុបរួមចំនួន ៥០០,០០០ រៀល ជូនដល់អ្នកជម្ងឺក្រីក្រឈ្មោះ គឹម ណា ភេទស្រី អាយុ ៦៣ឆ្នាំ រស់នៅភូមិកោះស្តេច ឃុំកោះស្តេច ស្រុកគិរីសាគរ ខេត្តកោះកុង ដែលត្រូវបញ្ជូនបន្ទាន់ទៅពិនិត្យព្យាបាលនៅមន្ទីរពេទ្យរាជធានីភ្នំពេញ។