រដ្ឋបាលខេត្តកោះកុង

ថ្ងៃទី៣១ ខែមករា ឆ្នាំ២០២៥ កញ្ញាវរសេនីយ៍ឯក ប៉ែន សុភាព មេបញ្ជាការរង និងជាប្រធានក្រុមការងារយេនឌ័រ តំបន់ប្រតិបត្តិការសឹករងកោះកុង តំណាងលោកមេបញ្ជាការ បានដឹកនាំក្រុមការងារនំាយកកន្រ្តកផ្លែឈើ និងថវិកា មួយចំនួន ទៅប្រគល់ជូនដល់យោធិននារីចំនួន ០៣ នាក់ដែលកំពុងសម្រាកលំហែរមាតុភាពនៅគេហដ្ឋាន ។
ឆ្លៀតយកឱកាសនោះដែរកញ្ញាវរសេនីយ៍ឯក ប៉ែន សុភាព មេបញ្ជាការរង បានពាំនាំការផ្តាំផ្ញើសួរសុខទុក្ខពីលោកឧត្តមសេនីយ៍ត្រី ជួន សុភ័ក្រ មេបញ្ជាការតំបន់ប្រតិបត្តិការសឹករងកោះកុង ដែលជានិច្ចកាលលោកតែងតែគិតគូដល់យោធិននារីយើងគ្រប់ពេលវេលា មិនថាក្នុងពេលជាយោធិន ឬជានិវត្តជននោះទេ  និងសូមផ្តាំផ្ញើក្នុងអំឡុងសម្រាកលំហែមាតុភាពនេះត្រូវខិតខំថែបំប៉នសុខភាពឲ្យបានល្អទាំងម្តាយ និងកូន ។
ជាទីបញ្ចប់សូមជូនពរឲ្យយោធិននារីយើងមានសុខភាពល្អដើម្បីបន្តរួមចំណែកបំរើក្នុងកិច្ចការងាររបស់អង្គភាព និងជាតិមាតុភូមិ ឲ្យកាន់តែរីកចំរើននិងការអភិវឌ្ឍន៍។