រដ្ឋបាលខេត្តកោះកុង

សេចក្តីជូនដំណឹងរដ្ឋបាលស្រុកបូទុមសាគរ មានកិត្តិយសសូមជម្រាបជូនលោកលោកស្រី ម្ចាស់ពាណិជ្ជកម្ម សិប្បកម្ម សេវាកម្ម ផ្ទះសំណាក់ អាហារដ្ឋានទេសចរណ៍ ទីតាំងលក់និងប្តូរប្រេងម៉ាស៊ីន លក់ហ្គាស បញ្ចូលហ្គាស សេវាជួសជុលម៉ូតូ សិប្បកម្មជាងកាត់កញ្ចក់ ផ្សារដែក កាត់ដែក កីឡាស្នូកយ័រកំសាន្តចំនួនពីរតុឡើងទៅមេត្តាជ្រាបថា ដើម្បីមានភាព ងាយស្រួលក្នុងការគ្រប់គ្រង និងបម្រើសេវាជូនប្រជាពលរដ្ឋឱ្យបានត្រឹមត្រូវមានប្រសិទ្ធភាព តម្លាភាព ស្របតាម ច្បាប់ស្តីពីការគ្រប់គ្រងសិប្បកម្ម សេវាកម្ម វិស័យទេសចរណ៍ វិស័យថាមពល ដែលថ្នាក់ជាតិបានធ្វើប្រតិភូកម្មជូន រដ្ឋបាលថ្នាក់ក្រោមជាតិ រដ្ឋបាលស្រុកបូទុមសាគរសូមធ្វើការផ្សព្វផ្សាយនិងលិខិតបទដ្ឋានគតិយុត្តច្បាប់ពាក់ ព័ន្ធការធ្វើអាជីវកម្ម សេវាកម្មដែលមានទីតាំងនៅក្នុងស្រុកពុំទាន់បានសុំច្បាប់ អនុញ្ញាតប្រកបអាជីវកម្ម សេវាកម្ម ត្រូវមកដាក់ពាក្យស្នើសុំអនុញ្ញាតច្បាប់នូវការិយាល័យច្រកចេញចូលតែមួយ ឬមន្ត្រីជំនាញនៃរដ្ឋបាលស្រុកបូទុមសាគរ ដោយគិតចាប់ពីថ្ងៃទី ១ ខែមករា ឆ្នាំ ២០២៥ តទៅរហូតដល់ថ្ងៃទី២៨ ខែកុម្ភៈ ឆ្នាំ២០២៥ ជាកំហិតក្នុងករណី ម្ចាស់អាជីវកម្ម សិប្បកម្ម សេវាកម្មវិស័យទេសចរណ៍ វិស័យរ៉ែនិងថាមពលពុំបានអនុវត្តតាមសេចក្តីជូនដំណឹងនេះ រដ្ឋបាលស្រុកពុំទទួលខុសត្រូវលើការធ្វើអាជីវកម្មរបស់លោក លោកស្រីឡើយ។រដ្ឋបាលស្រុកបូទុមសាគរសង្ឃឹម និងជឿជាក់យ៉ាងមុតមាំថា លោក លោកស្រី ម្ចាស់ពាណិជ្ជកម្ម សិប្បកម្ម សេវាកម្ម មេត្តាចូលរួមអនុវត្តតាមសេចក្តីជូនដំណឹងខាងលើនេះអោយមានប្រសិទ្ធភាពខ្ពស់។សូម លោក លោកស្រី ទទួលនូវការរាប់អានដ៏ជ្រាលជ្រៅអំពីខ្ញុំ។

ប្រភព:រដ្ឋបាលស្រុកបូទុមសាគរ

====================

ថ្ងៃព្រហស្បតិ៍ ៣រោច ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៦ ខែមករា ឆ្នាំ២០២៥