ស្រុកកោះកុង ៖ ព្រឹកថ្ងៃពុធ ១០កើត ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៨ ខែមករា ឆ្នាំ២០២៥ លោក ជា សូវី អភិបាល នៃគណ:អភិបាលស្រុកកោះកុង និងជាប្រធានគណៈកម្មាធិការសម្របសម្រួលបច្ចេកទេសស្រុកកោះកុង អញ្ជេីញដឹកនាំកិច្ចប្រជុំពិគ្រោះ និងផ្តល់យោបល់ សេចក្តីព្រាងសៀវភៅកសាងកម្មវិនិយោគបីឆ្នាំរំកិល(២០២៥-២០២៧) នៅសាលប្រជុំសាលាស្រុកកោះកុង
កិច្ចប្រជុំនេះ មានការអញ្ជើញចូលរួមពី លោកអនុប្រធាន និងលោក លោកស្រីសមាជិកគណៈកម្មាធិការសម្របសម្រួលបច្ចេកទេសស្រុកកោះកុង ខេត្តកោះកុង
លោកអភិបាល បានណែនាំដល់លោក លោកស្រីគណៈកម្មាធិការ សូមយកចិត្តទុកដាក់លេីការចូលរួម សហការរៀបចំកែសម្រួល និងពិនិត្យលេីគម្រោងដែលបានលេីកឡេីង ជាមួយលទ្ធផលដែលបានអនុវត្តនាពេលកន្លង ដេីម្បីបំពេញចំណុចខ្វះខាតឱ្យបានគ្រប់ជ្រុងជ្រោយ ធានាបាននូវគុណភាព គណនេយ្យភាព មុននឹងដាក់ជូនក្រុមប្រឹក្សាស្រុកកោះកុង ពិនិត្យ និងអនុម័ត ដេីម្បីបោះពុម្ពផ្សាយជូនដល់សាធារណៈជន
ជាទីបញ្ចប់ លោកអភិបាល បានថ្លែងអំណរគុណ ដល់លោក លោកស្រី ដែលបានចូលរួមកិច្ចប្រជុំ និងបានជូនពរដល់សមាជិក នៃអង្គប្រជុំ សូមជួបតែពុទ្ធពរទាំងបួនប្រការ និងសូុមមានសុខសុវត្ថិភាពពេលធ្វេីដំណេីរត្រឡប់ទៅកាន់មូលដ្ឋានរបស់ខ្លួនវិញ
