ប៉ុស្តិ៍នគរបាលរដ្ឋបាលជ្រោយស្វាយ សូមជម្រាបជូនដំណឹងដល់ប្រជាពលរដ្ឋនៅក្នុងឃុំជ្រោយស្វាយ កម្លាំងប៉ុស្តិ៍នឹងចុះបំពេញបែបបទសុំផ្តល់អត្តសញ្ញាណប័ណ្ណសញ្ជាតិខ្មែរ ជូនប្រជាពលរដ្ឋ
ប៉ុស្តិ៍នគរបាលរដ្ឋបាលជ្រោយស្វាយ សូមជម្រាបជូនដំណឹងដល់ប្រជាពលរដ្ឋនៅក្នុងឃុំជ្រោយស្វាយ មេត្តាជ្រាបថា ៖
👉កម្លាំងប៉ុស្តិ៍នឹងចុះបំពេញបែបបទសុំផ្តល់អត្តសញ្ញាណប័ណ្ណសញ្ជាតិខ្មែរ ជូនប្រជាពលរដ្ឋទាំង ២ភេទ ដូចខាងក្រោម:
-ប្រជាពលរដ្ឋដែលមានអាយុចាប់ពី ១៥ឆ្នាំឡើងទៅ និងពុំទាន់មានអត្តសញ្ញាណប័ណ្ណសញ្ជាតិខ្មែរ
-ប្រជាពលរដ្ឋដែលមានអត្តសញ្ញាណប័ណ្ណផុតសុពលភាព ឬមុនផុតសុពលភាព(តិចជាង១៨០ថ្ងៃ )
👉កាលបរិច្ឆេទ និងទីតាំង៖
១/ ភូមិជ្រោយស្វាយ៖ -ភូមិឈើនាង (ផ្ទះលោកមេភូមិ) 08.01.2025
២/ ភូមិសារ៉ាយ(ចំណុចសាលារៀនបឋមសិក្សាភ្នំស្រឡៅ) 09.01.2025
៣/ ភូមិកំពង់ស្ដាំ(ផ្ទះលោកមេភូមិ) 10.01.2025
៤/ ភូមិជ្រោយស្វាយខាងកើត(សាលារៀនអនុវិទ្យាល័យជ្រោយស្វាយ) 11.01.2025
👉សូមបញ្ជាក់៖
-ចំពោះប្រជាពលរដ្ឋគ្រប់អាយុ ១៥ឆ្នាំឡើងត្រូវភ្ជាប់មកនូវឯកសារដូចជា៖
សេចក្តីចម្លងបញ្ជាក់កំណើតនិងសៀវភៅគ្រួសារ ឬសៀវភៅស្នាក់នៅ (ច្បាប់ដើម) ។
-ចំពោះប្រជាពលរដ្ឋដែលមានអត្តសញ្ញាណប័ណ្ណសញ្ជាតិខ្មែរផុតសុពលភាព ឬមុនផុតសុពលភាព(តិចជាង១៨០ថ្ងៃ) ត្រូវភ្ជាប់មកនូវអត្តសញ្ញាណប័ណ្ណសញ្ជាតិខ្មែរ (ច្បាប់ដើម) ។
-ក្នុងករណីមានការផ្លាស់ប្តូរអាស័យដ្ឋានរស់នៅអចិន្ត្រៃយ៍ពីអត្តសញ្ញាណប័ណ្ណដែលផុតសុពលភាព សូមភ្ជាប់មកជាមួយសៀវភៅស្នាក់នៅ(ក២) ឬសៀវភៅគ្រួសារ(ក៤) ច្បាប់ដើម ។
សេចក្តីដូចបានជម្រាបខាងលើនេះ សូមប្រជាពលរដ្ឋដែលរស់នៅក្នុងឃុំជ្រោយស្វាយ មេត្តាជ្រាបជាព័ត៌មាន៕
សូមអរគុណ
