លោក សុខ សុទ្ធី អភិបាលរង នៃគណៈអភិបាលខេត្តកោះកុង បានអញ្ជើញដឹកនាំកិច្ចប្រជុំ ស្តីពីការត្រួតពិនិត្យ ណែនាំពាក់ព័ន្ធ នឹងការគ្រប់គ្រងបច្ចេកទេស សុវត្ថិភាព ស្ថានីយប្រេងឥន្ធនៈ ស្ថានីយឧស្ម័ន និងស្ថានីយរួមប្រេង និងឧស្ម័នឥន្ធនៈ។
លោកអភិបាលរងខេត្ត បានលើកឡើងថា ដោយមានការណែនាំពីក្រសួងរ៉ែ និងថាមពល រួមជាមួយប្រសាសន៍ណែនាំពីលោកជំទាវអភិបាលខេត្ត ក្នុងការធ្វើឲ្យមានសុវត្ថិភាពស្ថានីយប្រេងឥន្ទនៈ …..។ រដ្ឋបាលខេត្តរៀបចំកិច្ចប្រជុំដើម្បីត្រៀមចុះត្រួតពិនិត្យស្ថានីយប្រេងឥន្ធនៈ ស្ថានីយឧស្ម័ន និងស្ថានីរួម ប្រេងនិងឧស្ម័នឥន្ធនៈ នៅក្នុងក្រុងខេមរភូមិន្ទ ខេត្តកោះកុង។ ការចុះត្រួតពិនិត្យនេះ នឹងមានការចូលរួមពី តំណាងរដ្ឋបាលខេត្ត រដ្ឋបាលក្រុង មន្ទីររ៉ែនិងថាមពល មន្ទីររៀបចំដែនដី នគរូបនីយកម្ម សំណង់ និងសុរិយោដី មន្ទីរបរិស្ថាន នគរបាល និងកងរាជអាវុធហត្ថ។ ចំណាត់ថ្នាក់ហាយនិភ័យសម្រាប់ស្ថានីយប្រេងឥន្ទនៈស្ថានីយឧស្ម័ន និងស្ថានីរួម ប្រេងនិងឧស្ម័នឥន្ធនៈ
១.ពណ៌ខៀវ = ស្ថានីយអាចដំណើរការបាន
២.ពណ៌លឿង= ស្ថានីយមានកំរិតហាយនិភ័យទាបអាចធ្វើការកែសម្រួល និងដំណើរការបាន
៣.ពណ៌ស្វាយ = មានកំរិតហាយនិភ័យមធ្យម អាចធ្វើការកែសម្រួល និងដំណើរការបាន
៤.ពណ៌ក្រហម= មានកំរិតហាយនិភ័យខ្ពស់ មិនអាចដំណើរការបានឡើយ។
ការចុះត្រួតពិនិត្យលើកនេះ គឺចុះត្រួតពិនិត្យតែស្ថានីយមានកំរិតពណ៌ស្វាយតែប៉ុណ្ណោះ៕
