លោក អ៊ូច ទូច ប្រធានមន្ទីរធម្មការ និងសាសនាខេត្ត និងសហការី បានអមដំណេីរលោកស្រី ឈី វ៉ា អភិបាលរង នៃគណៈអភិបាលខេត្ត នាំទៀនចាំណាំព្រះវស្សា ប្រគេនព្រះសង្ឃគង់នៅវត្តពាមក្រសោប
លោក អ៊ូច ទូច ប្រធានមន្ទីរធម្មការ និងសាសនាខេត្ត និងសហការី បានអមដំណេីរលោកស្រី ឈី វ៉ា អភិបាលរង នៃគណៈអភិបាលខេត្ត នាំទៀនវស្សា ប្រគេនដល់ព្រះភិក្ខុសង្ឃគង់ចាំព្រះវស្សារយៈ១ត្រីមាសក្នុងពន្ធសីមាវត្តសាគររាម ហៅវត្តពាមក្រសោប ស្ថិតនៅឃុំពាមក្រសោប ស្រុកមណ្ឌលសីមា។
ក្នុងនាមមន្ទីរធម្មការនិងសាសនាខេត្តកោះកុង ដែលទទួលបន្ទុកលេីវិស័យធម្មការនិងសាសនា លោកប្រធានមន្ទីរបានថ្លែងអំណរគុណដល់លោកជំទាវអភិបាលខេត្តដែលបានបែងចែកថ្នាក់ដឹកនាំខេត្តនាំយកនូវទេយ្យទាន ទៀនវស្សានិងបច្ច័យប្រគេនព្រះសង្ឃចំនួន១៦វត្ត។
ពុទ្ធបូជា មហាតេជៈ
ធម្មបូជា មហាបញ្ញោ
សង្ឃបូជា មហាធនំ
សូមសេចក្តីសុខ ចម្រេីន កេីតមានដល់ម្ចាស់ទានកុំបីឃ្លៀងឃ្លៀតឡេីយ។
_:::::_
កោះកុង ថ្ងៃទី២៣ ខែកក្កដា ឆ្នាំ២០២៤
