លោកស្រី ឃុត ម៉ាលីវ៉ាន់ ជំទប់ទី២ សមាជិកអចិន្ត្រៃយ៍ គ.ក.ន.ក ឃុំទួលគគីរ បានសហការជាមួយអាជ្ញាធរភូមិកោះចាក និងក្រុមទ្រង់សុខភាពភូមិ ចុះសួរសុខទុក្ខ និងនាំយកអំណោយផ្ទាល់ខ្លួនរបស់លោកមេឃុំទួលគគីរ ជូនស្ត្រីមានផ្ទៃពោះទើបសម្រាលកូនរួចនៅភូមិកោះចាក ចំនួន ០២គ្រួសារ
លោកស្រី ឃុត ម៉ាលីវ៉ាន់ ជំទប់ទី២ សមាជិកអចិន្ត្រៃយ៍ គ.ក.ន.ក ឃុំទួលគគីរ តំណាងលោក ឡេក ស៊ុធន់ មេឃុំ និងជាប្រធានគណៈកម្មាធិការទទួលបន្ទុកកិច្ចការនារី និងកុមារឃុំ បានសហការជាមួយអាជ្ញាធរភូមិកោះចាក និងក្រុមទ្រង់សុខភាពភូមិ ចុះសួរសុខទុក្ខ និងនាំយកអំណោយផ្ទាល់ខ្លួនរបស់លោកមេឃុំទួលគគីរ ជូនស្ត្រីមានផ្ទៃពោះទើបសម្រាលកូនរួចនៅភូមិកោះចាក ចំនួន ០២គ្រួសារ។
អំណោយដែលបានផ្តល់ជូនក្នុងមួយគ្រួសារ មានជាគ្រឿង ឧបភោគបរិភោគ ចំនួន ០១កញ្ចប់ និងថវិកាសរុបចំនួន ២៣០,០០០រៀល ក្នុងនោះថវិកាផ្ទាល់ខ្លួនលោកមេឃុំ ចំនួន ១០០,០០០រៀល ថវិកា គ.ក.ន.ក ឃុំ ចំនួន ៥០,០០០រៀល រួមនឹងថវិកា:
-លោកស្រី ឃុត ម៉ាលីវ៉ាន់ ជំទប់ទី២ ចំនួន ២០,០០០រៀល
-លោកស្រី សឺន ដាវី មេភូមិកោះចាក ចំនួន ២០,០០០រៀល
-លោក ហ្វាន់ សំយ៉ុត អនុប្រធានភូមិ ចំនួន ២០,០០០រៀល
-លោកស្រី នូយ សុឆាវឌី VHSG ចំនួន ១០,០០០រៀល និងថវិកាលោកស្រី ហាវ ស្រីទូច VHSG ចំនួន ១០,០០០រៀល ។
រសៀល ថ្ងៃព្រហស្បតិ៍ ៦កើត ខែអាសាឍ ឆ្នាំរោង ឆស័ក ព.ស ២៥៦៨
ត្រូវនឹងថ្ងៃទី១១ ខែកក្កដា ឆ្នាំ២០២៤
