រដ្ឋបាលខេត្តកោះកុង

លោក សុខ សុទ្ធី អភិបាលរង នៃគណៈអភិបាលខេត្ត ជាតំណាងដ៏ខ្ពង់ខ្ពស់លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង សហការជាមួយក្រុមការងារសម្របសម្រួល ដើម្បីដោះស្រាយវិវាទដីធ្លីក្នុងភូមិសាស្រ្តខេត្តកោះកុង(ក្នុងជំហានទី៣) របស់ក្រសួងរៀបចំដែនដី នគរូបនីយកម្ម និងសំណង់ ដឹកនាំដោយឯកឧត្តម បែន រ័ត្ន អនុរដ្ឋលេខាធិការ និងជាប្រធានក្រុមការងារ បានអញ្ជើញដឹកនាំកិច្ចប្រជុំ នឹងចុះពិនិត្យ វឌ្ឍនភាព សម្របសម្រួលដោះស្រាយ នូវពាក្យបណ្តឹង និងសំណូមពររបស់ប្រជាពលរដ្ឋពាក់ព័ន្ធវិវាទដីធ្លីក្នុងភូមិសាស្រ្តខេត្តកោះកុង បានដាក់ពាក្យស្នើសូមទៅក្រសួងរៀបចំដែនដី នគរូបនីយកម្ម និងសំណង់ ចំនួន២៤ករណី ។ កិច្ចប្រជុំនេះមានសមាសភាពចូលរួមមាន ឯកឧត្តម បែន រ័ត្ន អនុរដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ លោក សុខ សុទ្ធី  អភិបាលរងខេត្ត លោកអភិបាល អភិបាលស្តីទីក្រុង ស្រុក ចំនួន៥ក្រុង ស្រុក មាន ៖ ក្រុងខេមរភូមិន្ទ ស្រុកមណ្ឌលសីមា ស្រុកបូទុមសាគរ ស្រុកគិរីសាគរ និងស្រុកស្រែអំបិល លោកនាយកទីចាត់អន្តរវិស័យ លោកអនុប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី លោក អនុប្រធានការិយាល័យគ្រប់គ្រងការអភិវឌ្ឍ និងសំណង់ លោក ប្រធានការិយាល័យភូមិបាលទាំង៥ក្រុង ស្រុក លោកមេឃុំទាំង៥ក្រុង ស្រុក និងមន្រ្តីជំនាញពាក់ព័ន្ធចូលរួម ។
បន្ទាប់ពីប្រជុំពិភាក្សាអង្គប្រជុំបានឯកភាពគ្នា ដោះស្រាយ នូវពាក្យបណ្តឹង និងសំណូមពររបស់ប្រជាពលរដ្ឋពាក់ព័ន្ធវិវាទដីធ្លី បានដាក់ពាក្យស្នើសូ ទៅក្រសួងរៀបចំដែនដី នគរូបនីយកម្ម និងសំណង់ ចំនួន២៤ករណី បានដោះស្រាយបញ្ចប់ ។
ថ្ងៃចន្ទ ៣កើត ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៨ ខែកក្កដា ឆ្នាំ២០២៤