កញ្ញា ផាន់ សម្ផស្ស ប្រធានការិយាល័យក្សេត្រសាស្ត្រ និងផលិតភាពកសិកម្ម និងលោក សឹង លី ប្រធានការិយាល័យផ្សព្វផ្សាយកសិកម្ម និងលោកស្រី សុង សុផាត មន្ត្រីជាប់កិច្ចសន្យាការិយាល័យក្សេត្រសាស្ត្រ និងផលិតភាពកសិកម្ម បានសហការជាមួយលោកមេភូមិតានី ឃុំជីខលើ ស្រុកស្រែអំបិល ខេត្តកោះកុង ចុះពិនិត្យ វាយតម្លៃពីផលប៉ះពាល់ និងអន្តរាគមន៍ភ្លាមៗ ដើម្បីចាត់វិធានការការពារ ទប់ស្កាត់ និងកម្ចាត់ដង្កូវហ្វូងរីករាលដាលថ្មី ចំនួន ០២ហិកតា បន្ថែមលើផ្ទៃដីដែលរដ្ឋបាលឃុំស្មើសុំអន្តរាគមន៍។
ក្នុងកិច្ចអន្តរាគមន៍នេះដែរក្រុមការងារបានពិនិត្យឃើញពិតជាមានដង្កូវហ្វូងកំពុងស៊ីបំផ្លាញ មន្ត្រីជំនាញក៏បានចាត់វិធានការ និងពន្យល់ណែនាំអំពីនិតិវិធីដូចខាងក្រោម៖
១.ចំពោះស្រែដែលមានទឹកច្រើនត្រូវយកស្បៃមុងអូសប្រមូលដង្កូវយកទៅកម្ទេចចោល,
២.ផ្តល់ថ្នាំកសិកម្ម ណែនាំពីរបៀបប្រើប្រាស់ និងវិធានការការពាក្នុងពេលបាញ់ថ្នាំកសិកម្ម។
ថ្ងៃសុក្រ ៧រោច ខែជេស្ឋ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៨ ខែមិថុនា ឆ្នាំ២០២៤
ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង
