លោកស្រី នាក់ សង អនុប្រធានមន្ទីរអប់រំ យុវជន និងកីឡាខេត្តកោះកុង បានអញ្ជើញចូលរួមកិច្ចប្រជុំស្តីពី៖ ការពង្រឹងទំនាក់ទំនង កិច្ចសហប្រតិបត្តិការ ជាមួយកងទ័ពជើងទឹកភូមិភាគ១ នៅខេត្តត្រាត ប្រទេសថៃ
លោកស្រី នាក់ សង អនុប្រធានមន្ទីរអប់រំ យុវជន និងកីឡា បានអញ្ជើញចូលរួមកិច្ចប្រជុំពង្រឹងទំនាក់ទំនង កិច្ចសហប្រតិបត្តិការ ជាមួយកងទ័ពជើងទឹកភូមិភាគ១ ស្រុកសាត់តាហីប ខេត្តឈុនបុរី ដែលដឹកនាំដោយលោកស្រី ឈី វ៉ា អភិបាលរង ខេត្តកោះកុង ព្រមទាំងប្រតិភូខេត្ត និងលោក ហួន សារឿន នាយកនៃសាលាបឋមសិក្សា ស្មាច់មានជ័យ។ ក្នុងកិច្ចប្រជុំនោះផងដែរ ភាគីទាំងពីរបានពិភាក្សាអំពីកិច្ចការងារពាក់ព័ន្ឋមួយចំនួនមានដូចជា៖
១. ការរឹតចំណងមិត្តភាពកម្ពុជា-ថៃ រវាងក្រុងខេមរភូមិន្ទ នៃខេត្តកោះកុង ជាមួយស្រុកខ្លងយ៉ៃ របស់ប្រទេសថៃ។
២. ភាគីកម្ពុជាបានសំណូមពរដល់ភាគីថៃឱ្យបង្កើនចំណងមិត្តភាពតាមរយះការលេងកីឡាឱ្យបានច្រើន។ និងសម្រួលដំណើរដល់ប្រជាពលរដ្ឋទាំងអស់ ដើម្បីបង្កឱ្យមានភាពងាយស្រួលក្នុងការរកសុី និងឆ្លងកាត់ព្រំដែនមានសុវត្ថិភាព និងឆាប់រហ័ស។ និងជាចុងក្រោយភាគីថៃ បានប្រគល់សម្ភារសិក្សា កីឡា និងថ្នាំពេទ្យ មួយចំនួនដល់សាលាបឋមសិក្សា ស្មាច់មានជ័យដើម្បីប្រើប្រាស់តាមតម្រូវការជាក់ស្តែង។
អត្ថបទដោយ៖ ឡុច ភារុន
