រដ្ឋបាលខេត្តកោះកុង

ដោយមានការណែនាំពីលោកជំទាវអភិបាល នៃគណៈអភិបាលខេត្ត លោក អន សុធារិទ្ធ អភិបាលរងខេត្ត និងជាប្រធានលេខាធិការដ្ឋានគណៈកម្មាធិការគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា ខេត្តកោះកុង បានដឹកនាំក្រុមការងារខេត្ត ដោយមានការចូលរួមពីលោកអភិបាលស្រុកមណ្ឌលសីមា អភិបាលរងស្រុក មេឃុំ មេភូមិ ភូមិបាលស្រុក តំណាងម្ចាស់ដី និងអ្នកសារព័ត៌មាន បានចុះពិនិត្យទីតាំងដី ០១កន្លែង ដែលត្រូវបានរាយការណ៍ថាមានការចាក់ដីចូលសមុទ្រ ស្ថិតក្នុងភូមិនាងកុក ឃុំប៉ាក់ខ្លង ស្រុកមណ្ឌលសីមា។ តាមការចុះពិនិត្យជាក់ស្តែងឃើញថា ទីតាំងចាក់ដីនេះគឺជាទីតាំងដីផែនេសាទចាស់ ដោយកាលពីមុនទីតាំងនេះបានកាយដី និងខឿនថ្មផែចាស់ចេញ ដើម្បីចូលអ៊ូទូក តែឥលូវទីតាំងដីនេះ ម្ចាស់ដីបានចាក់ដី និងគ្រោងរៀបខឿនថ្មឡើងវិញ ដោយធ្វើត្រឹមខឿនផែចាស់ ដោយមិនមានការចាក់ដី និងរៀបខឿនថ្មចូលសមុទ្រ ដូចការលើកឡើងនោះទេ៕
ថ្ងៃពុធ ៦ កើត ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១២ ខែមិថុនា ឆ្នាំ២០២៤ June 12, 2024