រដ្ឋបាលខេត្តកោះកុង

លោក ឈេង សុវណ្ណដា អភិបាលរង នៃគណៈអភិបាលខេត្តកោះកុង បានអញ្ជើញជាអធិបតី ក្នុងពិធីផ្សព្វផ្សាយលិខិតបទដ្ឋានគតិយុត្តពាក់ព័ន្ធ និងធ្វើតេស្តរហ័សរកសារធាតុញៀនតាមទឹកមូត្រ ដល់ថ្នាក់ដឹកនាំ មន្ត្រីរាជការ និងមន្ត្រីជាប់កិច្ចសន្យា នៃរដ្ឋបាលកស្រុកមណ្ឌលសីមា។

គណៈកម្មាធិការត្រួតពិនិត្យគ្រឿងញៀនខេត្ត ដែលមាន លេខាធិការដ្ឋាន ជាសេនាធិការ បានចុះរៀបចំ និងធ្វើតេស្តរហ័សរកសារធាតុញៀនតាមទឹកមូត្រ ដល់ថ្នាក់ ដឹកនាំ មន្ត្រីរាជការ និងមន្ត្រីជាប់កិច្ចសន្យា នៃរដ្ឋបាលស្រុកមណ្ឌលសីមា ចំនួន ៤៣នាក់ ស្រី១២នាក់ ក្នុងនោះ អ្នកចូលរួមធ្វើតេស្ត ចំនួន ៤២នាក់ ស្រី ១២នាក់ ទទួលបានលទ្ធផល “អវិជ្ជមាន” ទាំងអស់ និងអ្នកអវត្តមានការធ្វើតេស្ត ចំនួន ០១នាក់(ប្រុស) អវត្តមានដោយពុំអាចទំនាក់ទំនងបាន។

ចំពោះមន្ត្រីរាជការ នៃរដ្ឋបាលស្រុកគិរីសាគរ ចំនួន ០១នាក់(ប្រុស) ដែលអវត្តមានក្នុងការធ្វើ តេស្តកាលពីថ្ងៃទី០៧ ខែមិថុនា ឆ្នាំ២០២៤ កន្លងទៅ ដោយមូលហេតុជាប់បំពេញបេសកកម្ម គឺបានចូលរួម ធ្វើតេស្តនៅរដ្ឋបាលស្រុកមណ្ឌលសីមា ទទួលបានលទ្ធផល “អវិជ្ជមាន”។
ថ្ងៃចន្ទ ៤ កើត ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១០ ខែមិថុនា ឆ្នាំ២០២៤ June 10, 2024