សាខា កកក្រក ខេត្តកោះកុង ៖
នៅព្រឹកថ្ងៃព្រហស្បត្តិ ទី២៣ ខែឧសភា ឆ្នាំ២០២៤ លោកជំទាវ មិថុនា ភូថង ប្រធានគណៈកម្មាធិការសាខា បានចាត់ឱ្យ លោក ឈួន យ៉ាដា នាយកប្រតិបត្តិសាខា ដឹកនាំក្រុមប្រតិបត្តិសាខា នាំយកថវិកា មនុស្សធម៌ ចូលរួមរំលែកទុក្ខគ្រួសារសពយោធិន០១គ្រួសារ ឈ្មោះ ទឹម លួត ទទួលមរណៈភាពដោយរោគាពាធ បច្ចុប្បន្នសពកំពុងតំកល់ធ្វើបុណ្យ នៅវត្តជោត្តញ្ញាណ ស្ថិតនៅភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ។
នាឱកាសនោះ លោកនាយកសាខា បាននាំនូវប្រសាសន៍ផ្ដាំផ្ញើសួរសុខទុក្ខ និងរំលែកទុក្ខដ៏ក្រៀមក្រំនេះពីសំណាក លោកជំទាវ មិថុនា ភូថង ប្រធានគណៈកម្មាធិការសាខា កាកបាទក្រហមកម្ពុជា ខេត្តកោះកុង ឯកឧត្តម ប៊ុន លើត ប្រធានកិត្តិយសសាខា ពិសេសសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចំពោះក្រុមគ្រួសារសព ដែលបាន បាត់បង មនុស្សជាទីស្រឡាញ់របស់ភរិយា និងកូនចៅ ទាំងអស់គ្នា និងសូមអោយអ្នកទាំងអស់កុំអស់សង្ឃឹមបន្តប្រកបរបរជីវិតចិញ្ចឹមប្រចាំថ្ងៃអោយបានកាន់តែប្រសើរតទៅថ្ងៃមុខ ។
ជាចុងក្រោយក្រុមការងារក៏បាន បួងសួងសូមអោយវិញ្ញាណក្ខ័ន្ធលោក បានទៅកាន់សុគតិភពតរៀងទៅ។
ថវិកាដែលសាខាចូលរួមរំលែកទុក្ខចំនួន២០ម៉ឺនរៀលផងដែរ ។
![](https://asset.cambodia.gov.kh/provincial/sites/12/2024/05/1000004585-1024x669.jpg)
![](https://asset.cambodia.gov.kh/provincial/sites/12/2024/05/1000004586-1024x710.jpg)
![](https://asset.cambodia.gov.kh/provincial/sites/12/2024/05/1000004587-1024x762.jpg)
![](https://asset.cambodia.gov.kh/provincial/sites/12/2024/05/1000004588-1024x781.jpg)