រដ្ឋបាលឃុំទួលគគីរ បានសហការជាមួយមន្ត្រី គ្រូបង្រៀន និងនិស្សិតមហាវិទ្យាល័យវេជ្ជសាស្ត្រសត្វ នៃសាកលវិទ្យាល័យភូមិន្ទកសិកម្ម សរុបចំនួន ៤៤រូប បានចុះមកឃុំទួលគគីរ ចាក់វ៉ាក់សាំងការពារជំងឺឆ្កែឆ្កួត ចាក់ថ្នាំទម្លាក់បរាសិត និងចាក់វិតាមីនដល់សត្វសុនខ តាមខ្នងផ្ទះប្រជាពលរដ្ឋក្នុងភូមិទួលគគីរក្រោម ភូមិទួលគគីរលើ និងភូមិតាចាត ព្រមទាំងបានធ្វើបទបង្ហាញបង្រៀនដល់បងប្អូនប្រជាពលរដ្ឋ និងសិស្សនាយសិស្សនៃសាលាអនុវិទ្យាល័យទៀបាញ់តាចាតផង ។
ជាលទ្ធផលសម្រេចបាន គឺ:
-បានចាក់វ៉ាក់សាំងសត្វសុនខ ចំនួន ៣៥ក្បាល និងសត្វឆ្មា ចំនួន ១៧ក្បាល។
-សម្ភាសន៍ប្រជាពលរដ្ឋតាមខ្នងផ្ទះ បានចំនួន ៣១គ្រួសារ
-បង្រៀនបានចំនួន ៥៥នាក់ ស្រី ២៥នាក់ ។
ថ្ងៃអង្គារ ៧រោច ខែចេត្រ ឆ្នាំរោង ឆស័ក ព.ស.២៥៦៧
ត្រូវនឹងថ្ងៃទី៣០ ខែមេសា ឆ្នាំ២០២៤
