លោកជំទាវ មិថុនា ភូថង ប្រធានគណៈកម្មាធិការសាខា បានចាត់ក្រុមប្រតិបត្តិសាខា សហការជាមួយ លោក ប្រាក់ វិចិត្រ ប្រធានគណៈកម្មាធិការអនុ សាខា កក្រក ស្រុកមណ្ឌលសីមា និងសហការី លោកគ្រូទីប្រឹក្សាយុវជន កក្រក បានដឹកនាំកម្លាំងយុវជនកាកបាទក្រហមកម្ពុជា សរុបចំនួន ១៥ នាក់ ស្រី ៦ នាក់ សហការ ជាមួយអាជ្ញាធរស្រុកមណ្ឌលសីមា មន្រ្តីនគបាលចរាចរណ៍ផ្លូវគោក កងរាជអាវុធហត្ថ កងកម្លាំងនគរបាល សរុប២០នាក់ បានចុះអប់រំផ្សព្វផ្សាយផ្ទាល់ ពីសុវត្ថិភាពចរាចរណ៍ដល់ប្រជាពលរដ្ឋទូទៅ នៅចំណុចមុខផ្សារចាំយាម ស្រុកមណ្ឌលសីមា។
សាខា កក្រក ខេត្តកោះកុង ៖នៅថ្ងៃអង្គារ ១៤កើត ខែពិសាខ ឆ្នាំជូត ទោស័ក ព.ស២៥៦៣ ត្រូវនឹងថ្ងៃទី៥ ខែឧសភា ឆ្នាំ២០២០ ដោយមានការយកចិត្តទុកដាក់ខ្ពស់ពី លោកជំទាវ មិថុនា ភូថង ប្រធានគណៈកម្មាធិការសាខា បានចាត់ក្រុមប្រតិបត្តិសាខា សហការជាមួយ លោក ប្រាក់ វិចិត្រ ប្រធានគណៈកម្មាធិការអនុ សាខា កក្រក ស្រុកមណ្ឌលសីមា និងសហការី លោកគ្រូទីប្រឹក្សាយុវជន កក្រក បានដឹកនាំកម្លាំងយុវជនកាកបាទក្រហមកម្ពុជា សរុបចំនួន ១៥ នាក់ ស្រី ៦ នាក់ សហការ ជាមួយអាជ្ញាធរស្រុកមណ្ឌលសីមា មន្រ្តីនគបាលចរាចរណ៍ផ្លូវគោក កងរាជអាវុធហត្ថ កងកម្លាំងនគរបាល សរុប២០នាក់ បានចុះអប់រំផ្សព្វផ្សាយផ្ទាល់ ពីសុវត្ថិភាពចរាចរណ៍ដល់ប្រជាពលរដ្ឋទូទៅ នៅចំណុចមុខផ្សារចាំយាម ស្រុកមណ្ឌលសីមា ។
នាឱកាសនោះ លោកប្រធានអនុសាខា កក្រក ស្រុក បានមានប្រសាសន៍ថាណែនាំបងប្អូនប្រជាពលរដ្ឋដែលមិនទាន់យល់ច្បាស់ និងមិនទាន់ចូលរួមគោរពច្បាប់ចរាចរណ៍ផ្លូវគោថ្មី ថានៅថ្ងៃសុក្រ ទី០១ ខែឧសភា ឆ្នាំ២០២០ នេះគឺជាពេលដែល កងកម្លាំងនគរបាលចម្រុះបានចាប់ផ្តើមចុះរឹតបន្តឹងការអនុវត្តច្បាប់ចរាចរណ៍ផ្លូវគោកនៅទូទាំងប្រទេសកម្ពុជា។ ប៉ុន្តែ ការចាប់ផ្តើមអនុវត្តការរឹតបន្តឹងច្បាប់ចរាចរណ៍នាពេលនេះមានការចាប់អារម្មណ៍ខ្លាំងពីប្រជាពលរដ្ឋ ដោយសារតែតម្លៃនៃការផាកពិន័យកើនទ្វេពីពីរទៅបីបួនដងឯណោះ។ ជាមួយគ្នានេះ គេក៏សង្កេតឃើញមានបញ្ហាចម្រូងចម្រាសមួយចំនួនកើតឡើងផងដែរនៅក្នុងពេលអនុវត្តច្បាប់ចរាចរណ៍នេះ។
ចំពោះការចុះអនុវត្តការងារសុវត្ថិភាពចរាចរណ៍ខាងលើ ក្រុមការងារបានធ្វើ គឺក្នុងគោលបំណង ដើម្បីជួយដាស់តឿនក្រើនរម្លឹកដល់សាធារណជនទូទៅ ដែលបាននិងកំពុងធ្វើដំណើរលើដងផ្លូវសាធារណៈត្រូវមានការភ្ញាក់រឭកខ្ពស់ ត្រូវចេះគោរពច្បាប់ចរាចរណ៍ផ្លូវគោកដូចជា ៖ ស្លាកសញ្ញា គំនូសសញ្ញាចរាចរណ៍ និងការបើកបរត្រូវមានសុជីវធម៌ សីលធម៌ខ្ពស់ជានិច្ច ដើម្បីចៀសវាងបាននូវបញ្ហាប្រឈមដោយគ្រោះថ្នាក់ចរាចរណ៍ ដែលអាចនឹងកើតមានឡើងនៅគ្រប់ពេលវេលាដោយថាហេតុ៕
