រដ្ឋបាលខេត្តកោះកុង

លោក សុខ ភិរម្យ អភិបាលរងស្រុកកោះកុង និងជាប្រធានសមាគមកីឡាសីស្លាបខ្មែរ ទូទាំងប្រទេស បានដឹកនាំ លោក លោកស្រី អនុប្រធានសមាគម និងប្រធាន អនុប្រធានក្រុមកីឡាសីស្លាបខ្មែរ ទូទាំងប្រទេស ចូលរួមគោរពវិញ្ញាណក្ខន្ធ លោកស្រី ឈុន រ៉ាវុធ អភិបាលរងខេត្តកោះកុង ដែលបានទទួលមរណភាព ក្នុងជន្មាយុ ៤៨ ឆ្នាំ ដោយរោគាពាធ ។ លោកស្រី ឈុន រ៉ាវុធ ធ្លាប់បានចូលរួមធ្វើជាគណៈអធិបតី បើកការប្រកួតកីឡាសីស្លាបខ្មែរ ជ្រើសរើសជើងឯកទូទាំងប្រទេស មុនដំបូងគេបំផុត នៅខេត្តកោះកុង ឆ្នាំ២០១៨។ ក្នុងនាមយើងខ្ញុំជា ថ្នាក់ដឹកនាំសមាគម ថ្នាក់ដឹកនាំក្រុម ព្រមទាំងកីឡាករ កីឡាការិនី ក្រុមកីឡាសីស្លាបខ្មែរទូទាំងប្រទេស សូមចូលរួមរំលែកទុក្ខ និងសេចក្តីសោកសង្រេងយ៉ាងក្រៀមក្រំ ពោរពេញទៅដោយសេចក្តីសោកស្តាយ ស្រណោះ អាឡោះអាល័យពន់ពេក និងចងចាំជានិច្ចក្នុងក្រអៅបេះដូងរបស់យើងខ្ញុំ នូវគុណូបការៈ ដ៏ប្រពៃថ្លៃថ្លារបស់លោកស្រី។ យើងខ្ញុំ សូមឧទ្ទិសបួងសួងវិញ្ញាណក្ខ័ន្ធរបស់លោកស្រី ឈុន រ៉ាវុធ បានចាប់បដិសន្ធិ ក្នុងសុខគតិភព កុំបីឃ្លៀតឃ្លាតឡើយ។