ស្រុកកោះកុង ៖ ព្រឹកថ្ងៃសុក្រ ៦ រោច ខែមាឃ ឆ្នាំថោះបញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១ ខែមីនា ឆ្នាំ២០២៤ លោក ជា សូវី អភិបាល នៃគណៈអភិបាលស្រុកកោះកុង ដឹកនាំលោកនាយករដ្ឋបាល និងប្រធានការិយាល័យផែនការ និងគាំទ្រឃុំ-សង្កាត់ ចូលរួមកិច្ចប្រជុំពិភាក្សា ពីការរៀបចំនិមិត្តសញ្ញា របស់រដ្ឋបាលក្រុង ស្រុក នៃខេត្តកោះកុង ក្រោមអធិបតីភាពលោក ឈេង សុវណ្ណដា អភិបាលរង នៃគណៈអភិបាលខេត្តកោះកុង តំណាងលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង
សមាសភាពអញ្ជើញចូលរួមមាន លោក លោកស្រីអភិបាល អភិបាលរងក្រុង ស្រុក នាយករងរដ្ឋបាលខេត្ត និងមន្ត្រីជំនាញក្រុង ស្រុក នៅសាលមហោស្រពខេត្តកោះកុង។
