រដ្ឋបាលឃុំកោះស្ដេច
រដ្ឋបាលឃុំកោះស្ដេច សូមអរគុណជូនចំពោះកុមារា ម៉ាន់ ម៉ាត់នូត អាយុ១៣ឆ្នាំ ជាសិស្សថ្នាក់ទី៧ នៃវិទ្យាល័យកោះស្ដេច ដែលបានជួយសង្គ្រោះកូនអណ្ដេីកសមុទ្រ ប្រភេទក្រាស មួយក្បាល កាលពីថ្ងៃទី២៤ ខែកុម្ភៈ ឆ្នាំ២០២៤ កំឡុងដែលប្អូនកំពុងតែស្ទូចមឹកនៅចំណុចពយនគរបាលកោះស្ដេច បានប្រទះឃេីញកូនអណ្ដេីកសមុទ្រទាក់ជាប់នឹងមងខ្មោច ក្នុងភូមិកោះស្តេច ឃុំកោះស្ដេច ស្រុកគិរីសាគរ ខេត្តកោះកុង ដែលមានទំហំស្នូកប្រវែងបណ្ដោយ ២៦ សង់ទីម៉ែត្រ ទទឹងស្នូក ២២ សង់ទីម៉ែត្រ និងមានទម្ងន់ ១,៦ គីឡូក្រាម និងសូមអរគុណដល់អ្នកមីង គឹម វ៉ាន់ថៃ ដែលបានរាយការណ៍មកសហគមន៍នេសាទសម្រស់កោះស្ដេច និងអាជ្ញាធរឃុំ។ បន្ទាប់ជួយសង្គ្រោះរួច ក្រុមការងារបានពិនិត្យឃេីញថាកូនអណ្ដេីកសមុទ្រមានសុខភាពខ្សោយ មានមានរបួសនៅស្លាបមុខខាងស្ដាំ ដូច្នេះក្រុមការងារបានយកមករក្សាទុកនៅស្នាក់ការសហគមន៍ដេីម្បីធ្វេីការតាមដាន និងព្យាបាលរបួស មុននឹងធ្វេីការព្រលែងចូលទៅក្នុងសមុទ្រវិញ។ សូមបញ្ជាក់ថា អណ្ដេីកសមុទ្រគ្រប់ប្រភេទទាំងអស់ត្រូវបានចាត់ចូលជាប្រភេទធនធានជលផលសមុទ្រកំពុងរងគ្រោះថ្នាក់ និងត្រូវបានការពារដោយច្បាប់ស្ដីពីជលផល ដូច្នេះរដ្ឋបាលឃុំកោះស្ដេច សូមអំពាវនាវដល់បងប្អូនប្រជានេសាទទាំងអស់រួមគ្នាការពារសត្វអណ្ដេីកសមុទ្រ ដោយរាយការណ៍ជូនអាជ្ញាធរនៅពេលនេសាទបានដោយចៃដន្យ ឬជួយសង្រ្គោះពីការទាក់ជាប់មងខ្មោចឬឧបករណ៍នេសាទផ្សេងៗ។
ថ្ងៃអាទិត្យ ១រោច ខែមាឃ ឆ្នាំថោះ
បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី២៥ ខែកុម្ភៈ ឆ្នាំ២០២៤
February 25th, 2024
![](https://asset.cambodia.gov.kh/provincial/sites/12/2024/02/IMG_20240225_214511_191-768x1024.jpg)
![](https://asset.cambodia.gov.kh/provincial/sites/12/2024/02/IMG_20240225_214506_539-768x1024.jpg)
![](https://asset.cambodia.gov.kh/provincial/sites/12/2024/02/IMG_20240225_214339_611-768x1024.jpg)