រដ្ឋបាលខេត្តកោះកុង

លោកជំទាវ មិថុនា ភូថង អភិបាល នៃគណៈអភិបាល ខេត្តកោះកុង បានអញ្ជើញដឹកនាំកិច្ចប្រជុំគណៈបញ្ជាការឯកភាព រដ្ឋបាលខេត្តកោះកុង ប្រចាំឆមាសទី១ ឆ្នាំ២០១៩ របៀបវារៈ ១)ពិនិត្យ និងកែសម្រួលរបាយការណ៍ឆមាសទី១ ឆ្នាំ២០១៩ របស់គណៈបញ្ជាការឯកភាពរដ្ឋបាលខេត្តកោះកុង ២)ពិនិត្យ និងកែសម្រួលរបាយការណ៍ស្តីពីការទប់ស្កាត់ និងបង្រ្កាបបទល្មើសគ្រឿងញៀន ៣)ពិនិត្យ និងកែសម្រួលរបាយការណ៍ភូមិ ឃុំមានសុវត្ថិភាព និង ៤) ពិនិត្យ និងកែសម្រួលរបាយការណ៍ស្តីពីការបង្ក្រាប និងទប់ស្កាត់បទល្មើសធនធានធម្មជាតិ។

លោកជំទាវ បានគូសបញ្ជាក់ថា ការងារ ដែលបានអនុវត្ត នាពេលកន្លងមកពិតជាអនុវត្តបានល្អ ជាមួយនឹងបញ្ហាប្រឈមមួយចំនួន យើងបានរួមគ្នាដោះស្រាយ រាល់សំនូមពរនានា ដើម្បីឱ្យគណៈបញ្ជាការឯកភាពរដ្ឋបាលខេត្ត អនុវត្តកាន់តែមានប្រសិទ្ធភាពបន្ថែមទៀតស្របតាមតួនាទី និងភារកិច្ចរបស់ខ្លួន។

ថ្ងៃសុក្រ ២ កើត ខែស្រាពណ៍ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី២ ខែសីហា ឆ្នាំ២០១៩ August 2, 2019