មន្ទីរកសិកម្ម រុក្ខាប្រមាញ់ និងនេសាទខេត្តកោះកុង ៖ សហការជាមួយអង្គការ Save The Children ប្រចាំស្រុកថ្មបាំង រៀបចំកិច្ចប្រជុំប្រចាំខែរបស់កសិករក្រុមអ្នកផលិត ស្តីពីការធ្វើផែនការផលិត ការកត់ត្រាបញ្ជីស្នាម ប្រាក់សន្សំ-កម្ចី និងបញ្ហាប្រឈមផ្សេងៗ
លោកស្រី វ៉ិត ស្រីអែម អនុប្រធានការិយាល័យផ្សព្វផ្សាយកសិកម្ម និងលោកស្រី ធឹម ច័ន្ទរស្មី មន្រ្តីការិយាល័យផែនការ-គណនេយ្យ បានសហការជាមួយអង្គការ Save The Children ប្រចាំស្រុកថ្មបាំង រៀបចំកិច្ចប្រជុំប្រចាំខែរបស់កសិករក្រុមអ្នកផលិត ស្តីពីការធ្វើផែនការផលិត ការកត់ត្រាបញ្ជីស្នាម ប្រាក់សន្សំ-កម្ចី និងបញ្ហាប្រឈមផ្សេងៗ បានចំនួន ០១ក្រុម មានសមាជិកចូលរួមចំនួន ១១នាក់ និងចុះត្រួតពិនិត្យតាមដានកសិករគម្រោង បានចំនួន ០៥គ្រួសារ នៅភូមិត្រពាំងឈើត្រាវ ឃុំឬស្សីជ្រុំ ស្រុកថ្មបាំង ខេត្តកោះកុង។
ថ្ងៃព្រហស្បតិ៍ ១កើត ខែបុស្ស ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១១ ខែមករា ឆ្នាំ២០២៤
ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង
