ខណ្ឌរដ្ឋបាលជលផលកោះកុង បានសហការជាមួយរដ្ឋបាលឃុំជ្រោយស្វាយ រៀបចំមហាសន្និបាតបោះឆ្នោតជ្រើសរើសគណៈកម្មការសហគមន៍នេសាទជ្រោយស្វាយអាណត្តិថ្មី ក្រោមអធិបតីភាពលោក តេង នាវ នាយករងរដ្ឋបាលស្រុកស្រែអំបិល និងជាតំណាងលោកអភិបាលស្រុកស្រែអំបិល ក្នុងដំណើរការបោះឆ្នោតមានបេក្ខជនឈរឈ្មោះចំនួន ២៩រូប ហើយក្រុមការងារបានសម្រេចបោះឆ្នោតជ្រើសជាគណៈកម្មការសហគមន៍នេសាទចំនួន ១១រូប មានការចូលរួមពីលោកមេឃុំជ្រោយស្វាយ នគរបាលរដ្ឋបាលប៉ុស្តិ៍ឃុំជ្រោយស្វាយ ក្រុមប្រឹក្សាឃុំ ជំទប់ទី១ មេភូមិ និងមានការចូលរួមពីប្រជាពលរដ្ឋចំនួន ០៦ភូមិ មានអ្នកចូលរួមសរុបចំនួន ២៦១នាក់ កម្មវិធីប្រព្រឹត្តទៅនៅសាលាឃុំជ្រោយស្វាយ។
ថ្ងៃព្រហស្បតិ៍ ១រោច ខែមិគសិរ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៨ ខែធ្នូ ឆ្នាំ២០២៣
ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង
