ផ្នែករដ្ឋបាលជលផលបូទុមសាគរ បានជួបប្រជុំជាមួយគណៈកម្មការសហគមន៍ នេសាទឃុំជ្រោយស្វាយ ដើម្បីពិភាក្សាស្តីពីការចុះល្បាតនិងបង្ក្រាបបទល្មើសជលផល ក្នុងដែនសហគមន៍នេសាទ ជាលទ្ធផលឃើញថា៖
១.បទល្មើសនេសាទប្រើឧបករណ៍នេសាទលបកន្ទុយកណ្តុរឬលបមុខ១០០ ឬលបពោះវៀនជ្រូក គឺប្រជានេសាទមួយចំនួន នៅភូមិសារាយ ភូមិភ្នំស្រឡៅ ភូមិឈើនាង និងភូមិនេសាទ ឃុំជ្រោយស្វាយ ស្រុកស្រែអំបិល ខេត្តកោះកុង។
២.បទល្មើសនេសាទប្រើលបកន្ទុយកណ្តុរ ឬលបមុខ១០០ ឬលបពោះវៀនជ្រូក មកពីភូមិថ្មរៀង ឃុំកែវផុស ស្រុកស្ទឹងហាវ ខេត្តព្រះស៊ីហនុ។
៣.ទូកនេសាទប្រើឧបករណ៍អួនអូស និងអួនអូសគូ មកពីស្រុកស្ទឹងហាវ ខេត្តព្រះសីហនុ ហើយគណៈកម្មការសហគមន៍នេសាទ និងផ្នែករដ្ឋបាលជលផលបូទុមសាគរ និងសហការចេញល្បាតបន្ទាប់ពិភាក្សាចប់។
កិច្ចប្រជុំនេះប្រព្រឹត្តទៅនៅស្នាក់ការសហគមន៍នេសាទជ្រោយស្វាយ មានអ្នកចូលរួមសរុបចំនួន ០៨រូប។
ថ្ងៃព្រហស្បតិ៍ ១១កើត ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៣ ខែវិច្ឆិកា ឆ្នាំ២០២៣
ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង
