រដ្ឋបាលឃុំអណ្តូងទឹក សូមគោរពថ្លែងអំណរគុណយ៉ាងជ្រាលជ្រៅជូនដល់លោក ខេង សំខាន់ អភិបាលរង នៃគណៈអភិបាលស្រុកបូទុមសាគរ ដែលលោកបានឧបត្ថម្ភថវិការចំនួន២០ម៉ឺនរៀល ជូនដល់ក្រុមការងារភូមិតាមាឃ ដើម្បីសម្រួលដល់ការជួសជុលផ្លូវលំខូចខាតក្នុងភូមិតាមាឃ ស្ថិតក្នុងភូមិសាស្ត្រឃុំអណ្តូងទឹក ស្រុកបូទុមសាគរ ខេត្តកោះកុង ។
រដ្ឋបាលឃុំ តំណាងឲ្យប្រជាពលរដ្ឋក្នុងភូមិទាំងមូល សូមប្រសិទ្ធពរជ័យ សិរីសួស្តី ជ័យមង្គល បវមហាប្រសើរ ជូនដល់លោក និងក្រុមគ្រួសារ សូមទទួលបាននូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជៀសផុតពីជម្ងឺទាំងឡាយ កុំបីឃ្លៀងឃ្លាតឡើយ ។
ប្រភពៈរដ្ឋបាលឃុំអណ្ដូងទឹក
-----------------------------------------
ថ្ងៃព្រហស្បតិ៍ ៤ កើត ខែកត្តិក ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៦ ខែវិច្ឆិកា ឆ្នាំ២០២៣
