ស្រុកកោះកុង ៖ នៅថ្ងៃអង្គារ ២ កើត ខែកត្តិក ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៤ ខែវិច្ឆិកា ឆ្នាំ២០២៣ លោកស្រី អ៊ិន សុភី អភិបាលរងស្រុកកោះកុង អញ្ជើញជាអធិបតីភាព ពិធីបើកការដ្ឋានសាងសង់ផ្លូវបេតុងអាមេ ចំនួន០១ខ្សែ បណ្ដោយប្រវែង ១ ០០៥ ម៉ែត្រ ទទឹងប្រវែង ៣ម៉ែត្រ កម្រាស់ ១២មម និងដាក់ស្លាកសញ្ញាចំនួន ០១ផ្ទាំង ស្ថិតនៅភូមិ១ ឃុំកោះកាពិ ស្រុកកោះកុង ខេត្តកោះកុង ប្រើប្រាស់ថវិកាអភិវឌ្ឍន៍របស់រដ្ឋបាលស្រុកកោះកុង ឆ្នាំ២០២៣។
ជាមួយគ្នានោះដែរ លោកស្រីអភិបាលរង បានសម្តែងនូវការសាទរជាមួយ ប្រជាពលរដ្ឋឃុំកោះកាពិ ដែលទទួលបានផ្លូវដែលផ្តល់នូវភាពងាយស្រួលក្នុងការធ្វើដំណើរ ការប្រកបជីវភាពរស់នៅប្រចាំថ្ងៃ នេះជាការគិតគូរអំពីសុខទុក្ខរបស់ប្រជាពលរដ្ឋ ពីសំណាក់ថ្នាក់ដឹកនាំគ្រប់លំដាប់ថ្នាក់ ជាពិសេស សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។
