ថ្ងៃអង្គារ ១៥កើត ខែចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៧ ខែមេសា ឆ្នាំ២០២០ វេលាម៉ោង ០៩:០០នាទីព្រឹក លោក ប៉ែន ប៊ុនឈួយ អភិបាលរងស្រុក និងលោក ម៉ែន ចាន់ដារ៉ា នាយករងរដ្ឋបាលសាលាស្រុក ចូលរួមជាមួយក្រុមការងារ ដែលដឹកនាំដោយលោក សុខ សុទ្ធី អភិបាលរងខេត្តកោះកុង និងមានការចូលរួមពី មានមន្ទីរបរិស្ថានខេត្ត មន្ទីររៀបចំដែនដីនគរូបនីយកម្ម សំណង់និងសុរិយោដីខេត្ត ការិយាល័យភូមិបាលស្រុក មេឃុំ មេភូមិតាចាត និងម្ចាស់ដី ចុះត្រួតពិនិត្យវាស់វែងដីរបស់លោក ឯម សៀកឡន ដែលបានចុះបញ្ជីដាច់ដោយដុំ ក្នុងតំបន់សហគមន៍ (លើកទី២) នៅភូមិតាចាត ឃុំទួលគគីរ ស្រុកមណ្ឌលសីមា ខេត្តកោះកុង ។
