នាល្ងាចថ្ងៃពុធ ៩ កើត ខែចេត្រ ឆ្នាំកុរឯកស័ក ពុទ្ធសករាជ ២៥៦៣ ត្រូវនឹងថ្ងៃទី១ ខែមេសា ឆ្នាំ២០២០
សហភាពសហព័ន្ធយុវជនកម្ពុជាដែលដឹកនាំដោយលោក ឈេង សុវណ្ណដា ប្រធានសហភាពសហព័ន្ធយុក្រុងខេមរភូមិន្ទ បានសហការជាមួយមន្ទីរធម្មការ និងសាសនា ខេត្តកោះកុង ដែលដឹកនាំដោយ លោក អ៊ូច ទូច ប្រធានមន្ទីរធម្មការ និងសាសនាខេត្ត បានចុះផ្សព្វផ្សាយ និងប្រគេនព្រះសង្ឃ គង់ក្នុងវត្តជោត្តញ្ញាណ នូវខិត្តប័ណ្ណ និងជែលអាកុល សម្រាប់សម្អាតអនាម័យ ដើម្បីបង្ការ និងទប់ស្កាត់ការពារ ជំងឺកូវីដ-១៩ ដែលរៀបចំធ្វើឡើងនៅវត្តជោត្តញ្ញាណ ស្ថិតក្នុងភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ។ ប្រភពរដ្ឋបាលក្រុងខេមរភូមិន្ទ
