ស្រុកកោះកុង ៖ នៅយប់ថ្ងៃអង្គារ ៤ រោច ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៣ ខែតុលា ឆ្នាំ២០២៣ លោក ឯក ម៉ឹង ប្រធានក្រុមប្រឹក្សាស្រុកកោះកុង និងលោក ជា សូវី អភិបាល នៃគណៈអភិបាលស្រុកកោះកុង អញ្ជេីញដឹកនាំលោក លោកស្រីសមាជិកក្រុមប្រឹក្សា លោក លោកស្រីអភិបាលរងស្រុក មន្រ្តីរាជការនៃរដ្ឋបាលស្រុកកោះកុង សហភាពសហព័ន្ធយុវជនកម្ពុជាស្រុកកោះកុង អញ្ជេីញចូលរួមពិធីសូត្រមន្តចូលកាន់បិណ្ឌ៥ ដែលជាបិណ្ឌរបស់មន្រ្តីរាជការនៃរដ្ឋបាលស្រុកកោះកុង នៅវត្តរូងគិរីសត្ថារាម(ហៅវត្តត្រពាំងរូង) ស្ថិតនៅភូមិដីទំនាប ឃុំត្រពាំងរូង ស្រុកកោះកុង ខេត្តកោះកុង
