នៅព្រឹកថ្ងៃអង្គារ ៥កើត ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៩ ខែកញ្ញា ឆ្នាំ២០២៣
វេលាម៉ោង០៧និង០០នាទីព្រឹក
លោក អ៊ឹង វុន្នី នាយកឧទ្យានជាតិបទុមសាគរ និងលោក ហាក់ គុណ នាយករងឧទ្យានជាតិបទុមសាគរ
បានដឹកនាំមន្ត្រីឧទ្យានុរក្សចំនួន ២នាក់ ចុះធ្វើយុទ្ធនាការអប់រំផ្សព្វផ្សាយស្តីពី ការកាត់បន្ថយការប្រើប្រាស់ថង់ប្លាស្ទិក ក្រោមប្រធានបទ
«ថ្ងៃនេះ ខ្ញុំមិនប្រើប្រាស់ថង់ប្លាស្ទិកទេ» ជូនដល់ លោកគ្រូ-អ្នកគ្រូ សិស្សានុសិស្សនៃសាលាបឋមសិក្សាព្រែកស្មាច់ ស្ថិតនៅ ភូមិព្រែកស្មាច់ ឃុំកោះស្ដេច ស្រុកគីរីសាគរ ខេត្តកោះកុង ។
យុទ្ធនាការផ្សព្វផ្សាយនេះមានការអញ្ជើញចូលរួមពី៖
- លោកស្រីក្រុមប្រឹក្សាឃុំកោះស្ដេចចំនួន ១រូប
- លោកអនុភូមិព្រែកស្មាច់ចំនួន ១រូប
- លោក ជ្រុន បូរា នាយកសាលាបឋមសិក្សាព្រែកស្មាច់ចំនួន ១រូប
- លោកគ្រូ-អ្នកគ្រូចំនួន ៨រូប (ស្រី ៤រូប)
- សិស្សានុសិស្ស សរុប១៩៥នាក់ (ស្រី ៨៥នាក់) ។
នៅវេលាម៉ោង ០៩.៣០នាទី
បន្តចុះយុទ្ធនាការអប់រំផ្សព្វផ្សាយស្តីពី ការកាត់បន្ថយការប្រើប្រាស់ថង់ប្លាស្ទិក ជាមួយលោកគ្រូ-អ្នកគ្រូ សិស្សានុសិស្ស នៅសាលាបឋមសិក្សាពាមកាយ ស្ថិតនៅភូមិពាមកាយ ឃុំភ្ញីមាស ស្រុកគីរីសាគរ ខេត្តកោះកុង ។
ដោយមានការអញ្ចើញចូលរួមពី៖
- លោកស្រីក្រុមប្រឹក្សាឃុំភ្ញីមាសចំនួន ១រូប
- លោកស្រីមេភូមីភ្ញីមាសចំនួន ១រូប
- លោក សៀន សុរី នាយកសាលាបឋមសិក្សាពាមកាយចំនួន ១រូប
- លោកគ្រូ-អ្នកគ្រូ សរុបចំនួន ៨រូប (ស្រី ៤រូប)
- សិក្សានុសិស្ស សរុបចំនួន ១៦៦នាក់ (ស្រី ៨៧នាក់)
គោលបំណង
- ដើម្បីបង្កើនការយល់ដឹងបន្ថែមដល់លោកគ្រូ អ្នកគ្រូ និងសិស្សានុសិស្សក្នុងការកាត់បន្ថយការប្រើប្រាស់ថង់ប្លាស្ទិចសព្វថ្ងៃធ្វើយ៉ាងណាអោយបាន ១ឬ២ ថ្ងៃក្នុងមួយសប្ដាហ៍
- ដើម្បីចូលរួមការពារនិងថែរក្សាអនាម័យបរិស្ថាន
