28/03/2020 (2:00 pm)
-------------------------------------
លោកស្រី គ្រី សោភ័ណ ប្រធានក្រុមប្រឹក្សាស្រុក និងលោក ហាក់ ឡេង អភិបាលស្រុក និងជាតំណាង អនុសាខាកាកបាទក្រហមកម្ពុជា ស្រុកបូទុមសាគរ បាននាំយកថវិកា និងគ្រឿងឧបភោគបរិភោគចុះសួរសុខទុក្ខ គ្រួសារក្រីក្រ ចំនួន០៦គ្រួសារ ស្ថិតនៅភូមិចំលងគោ(ចំណុចគ្រួសក្រហម) ឃុំថ្មស ស្រុកបូទុមសាគរ ខេត្តកោះកុង ។ ដោយមានអញ្ជើញចូលរួមពី លោកស្រីអនុប្រធានអនុសាខាកាកបាទក្រហមកម្ពុជាស្រុក លោកមេបញ្ជាការកងរាជអាវុធហត្ថ លោកអធិការរង អាជ្ញាធរឃុំថ្មស មេភូមិចំលងគោ កម្លាំងនគរបាលឃុំថ្មស និងយុវជនកាកបាទក្រហមកម្ពុជា

លោកអភិបាលស្រុក ណែនាំជូនបងប្អូនប្រជាពលរដ្ឋ អោយពួកគាត់យល់ដឹងពីស្ថានភាពវិវត្តន៍នៃជំងឺឆ្លងCovid19 សូមបងប្អូនគ្រប់គ្រងក្រុមគ្រួសារអោយបានល្អ ដឹងពីអ្នកចេញចូលក្នុងភូមិ រឺអ្នកមកពីចម្ងាយ និងពន្យល់ពីការពារខ្លួនពីជំងឺឆ្លងCovid19 តាមរយៈការណែនាំរបស់ក្រសួងសុខាភិបាល

នាឱកាសនោះលោកអភិបាលស្រុក បាន​ពាំនាំនូវ​ប្រសាសន៍ផ្ដាំផ្ញើសួរសុខទុក្ខពីសំណាក លោកជំទាវ មិថុនា ភូថង ប្រធានគណៈកម្មាធិការសាខា ពិសេស​សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែយក​ចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប ដែលកំពុងជួបការ លំបាក ដោយមិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយនិង សូមបងប្អូនទាំងអស់គ្នា ក៏ដូចជាក្រុមគ្រួសារកុំអស់សង្ឃឹម ត្រូវបន្តការថែទាំសុខភាព ហូបស្អាត ផឹកស្អាត និង រស់នៅស្អាត ។

ឆ្លើយតបជាមួយនិងការផ្តល់អំណោយមនុស្សធម៌នេះក្រុមគ្រួសារពុក ម៉ែ បងប្អូន សូមគោរពជូនពរ និងថ្លែងអំណរគុណដ៏​ជ្រាលជ្រៅចំពោះ កាកបាទក្រហមកម្ពុជា ជាពិសេស សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ប្រធានកាកបាទក្រហមកម្ពុជា លោកជំទាវ​ប្រធាន​គណៈកម្មាធិការសាខា ដែលជានិច្ចកាល​តែងតែយកចិត្តទុក​ដាក់ដល់​ការ​លំបាករបស់​ប្រជាពលរដ្ឋគ្រប់ច្រកល្ហកដូចពួកគាត់។
លោកអភិបាលបញ្ជាក់ជូនបងប្អូនប្រជាពលរដ្ឋ នៅចំណុចគ្រួសក្រហម ភូមិចំលងគោ ឃុំថ្មស នៅពេលខាងមុខក្រុមហ៊ុន អគ្គិសនី និងតបណ្ដាញអគ្គិសនីចូលមកដល់ក្នុងភូមិបងប្អូន

សម្ភារៈរដែលអនុសាខាបានផ្ដល់ជូន ក្នុងម្នាក់ៗទទួលបាន៖
អង្ករ២០គក្រ មី១០កញ្ចាប់ ត្រីខកំប៉ុង១ឡូ ទឹកសុទ្ធ១យូ ខ្លាញ់ ១ដប ទឹកត្រី ១យូ ទឹកស៊ីអ៉ីវ ១យូ ស្ករស ១គក្រ បីចេង ១កញ្ចាប់ អំបិល ១កញ្ចាប់ និងថវិកា ៣០,០០០រៀល(ថវិការបស់អាជ្ញាធរឃុំថ្មស ចំនួន ២០,០០០រៀល និងលោក តូ នីពៅ ចំនួន ១០,០០០រៀល)
ចំណែកបងប្អូនប្រជាពលរដ្ឋចំនួន ០៧គ្រួសារ ដែលមិនបានទទួលអំណោយខាងលើ ដោយមួយគ្រួសារទទួលបានថវិកា ចំនួន ៤០,០០០រៀលប្រភព:អនុសាខាកាកបាទក្រហមកម្ពុជាស្រុកបូទុមសាគរ

ប្រភព:អនុសាខាកាកបាទក្រហមកម្ពុជាស្រុកបូទុមសាគរ
------------------------------------
ថ្ងៃសៅរ៍ ៥ កើត ខែចេត្រ ឆ្នាំកុរ
ឯកស័ក ពុទ្ធសករាជ ២៥៦៣
ត្រូវនឹងថ្ងៃទី២៨ ខែមីនា ឆ្នាំ២០២០
March 28, 2020