រដ្ឋបាលខេត្តកោះកុង

លោក ទួន ភារម្យ អភិបាលរង នៃគណៈអភិបាលក្រុងខេមរភូមិន្ទ និងលោកស្រី ស៊ឹម ចាន់លីណា អនុប្រធានការិយាល័យរដ្ឋបាល និងហិរញ្ញវត្ថុ អញ្ជើញចូលរួម សិក្ខាសាលាបញ្ជ្រាបការយល់ដឹងគោលនយោបាយគ្រប់គ្រងសំរាម សំណល់រឹងទីប្រជុំជន និងវគ្គបណ្តុះបណ្តាលស្តីពីនីតិវិធីហិរញ្ញវត្ថុសម្រាប់ការអនុវត្តកញ្ចប់ថវិកា សេវាអនាម័យបរិស្ថាន ។ សិក្ខាសាលានេះនឹងប្រព្រឹត្តទៅរយៈពេល ២ថ្ងៃ ដូចខាងក្រោម ÷
ថ្ងៃទី១+ សិក្ខាសាលាបញ្ជ្រាបការយល់ដឹងអំពីគោលនយោបាយស្តីពីការគ្រប់គ្រងសំរាម សំណល់រឹងទីប្រជុំជន
ថ្ងៃទី២+ វគ្គបណ្តុះបណ្តាលស្តីពីនីតិវិធីហិរញ្ញវត្ថុសម្រាប់អនុវត្តកញ្ចប់ថវិការសេវាអនាម័យបរិស្ថាន ដោយផ្តោត លើទិដ្ឋភាពទូទៅនៃការគ្រប់គ្រងហិរញ្ញវត្ថុសាធារណៈនៅថ្នាក់ក្រោមជាតិ នីតិវិធីក្នុងការរៀបចំនិង អនុវត្តកញ្ចប់ថវិកាសវាអនាម័យបរិស្ថាន និងការកត់ត្រាចំណូលពីការបង់សេវាសម្អាត ប្រមូល ដឹកជញ្ជូន និងសេវាទីលានទុកដាក់សំរាម និងមានវេទិកាពិភាក្សាអំពីការពង្រឹងការគ្រប់គ្រងហិរញ្ញវត្ថុ សាធារណះសម្រាប់ការគ្រប់គ្រងសំរាម សំណល់រឹងនៅថ្នាក់ក្រោមជាតិ។ សិក្ខាសាលាប្រព្រឹត្តទៅនៅខេត្តសៀមរាប វេលាម៉ោង ៧៖៣០ នាទីព្រឹក ថ្ងៃចន្ទ ១១ រោច ខែស្រាពណ៌ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១១ ខែកញ្ញា ឆ្នាំ២០២៣។

#ប្រភពនៃរដ្ឋបាលក្រុងខេមរភូមិន្ទ#