25/03/2020 (10:00 am)
------------------------
លោក សាង ស៊ីណេត អភិបាលរងស្រុក តំណាងលោក ហាក់ ឡេង អភិបាល នៃគណៈអភិបាលស្រុក និងជាតំណាងប្រធានអនុសាខាកាកបាទក្រហមកម្ពុជាស្រុកបូទុមសាគរ បានដឹកនាំក្រុមការងារ បានចូលរូមរំលែកទុក្ខគ្រួសារនៃសពឈ្មោះ អឿន ចិត្ដា ភេទប្រុស អាយុ ៥៧ឆ្នាំ នៅភូមិចំការលើ ឃុំថ្មស ស្រុកបូទុមសាគរ ខេត្តកោះកុង
លោកអភិបាលរងស្រុក ណែនាំជូនបងប្អូនប្រជាពលរដ្ឋ អោយពួកគាត់យល់ដឹងពីស្ថានភាពវិវត្តន៍នៃជំងឺឆ្លងCovid19 សូមបងប្អូនគ្រប់គ្រងក្រុមគ្រួសារអោយបានល្អ ដឹងពីអ្នកចេញចូលក្នុងភូមិ រឺអ្នកមកពីចម្ងាយ និងពន្យល់ពីការពារខ្លួនពីជំងឺឆ្លងCovid19 តាមរយៈការណែនាំរបស់ក្រសួងសុខាភិបាល ។
សម្ភារៈដែលអនុសាខាចូលរួមរំលែកទុក្ខរួមមាន៖ អង្ករ២០គក្រ មី១០កញ្ចាប់ ត្រីខកំប៉ុង១ឡូ ទឹកសុទ្ធ១យូ ខ្លាញ់ ១ដប ទឹកត្រី ១យូ ទឹកស៊ីអ៉ីវ ១យូ ស្ករស ១គក្រ បីចេង ១កញ្ចាប់ អំបិល ១កញ្ចាប់ និងថវិកា ៣៥០,០០០រៀល(ក្នុងនោះមាន អនុសាខាកាកបាទក្រហមកម្ពុជា ១០០,០០០រៀល លោកអភិបាលស្រុក ១០០,០០០រៀល លោកស្រីប្រធានក្រុមប្រឹក្សាស្រុក ២០,០០០រៀល គ.ក.ស.ក ៣០,០០០រៀល លោកឧត្ដម ៤០,០០០រៀល លោក សំណាង ២០,០០០រៀល និងលោកនាយកវិទ្យាល័យចំការលើ ៤០,០០រៀល)

ប្រភព:អនុសាខាកាកបាទក្រហមស្រុកបូទុមសាគ
------------------------
ថ្ងៃពុធ ០២ កើត ខែ ចេត្រ ឆ្នាំកុរ
ឯកស័ក ពុទ្ធសករាជ ២៥៦៣
ត្រូវនឹងថ្ងៃទី ២៥ ខែ មីនា ឆ្នាំ២០២០