រដ្ឋបាលខេត្តកោះកុង

លោក ហាក់ ឡេង អភិបាលស្រុក និងជាតំណាងប្រធានអនុសាខាកាកបាទក្រហមកម្ពុជាស្រុក លោកស្រី អ៉ិន សោភ័ណ្ឌ អនុប្រធានសាខាកាកបាទក្រហមកម្ពុជាស្រុក និងលោក ឈួន យ៉ាដា នាយកសាខាកាកបាទក្រហមកម្ពុជាខេត្តកោះកុង បានអញ្ជើញជាអធិបតី វគ្គបំប៉នវិជ្ជាសង្រោះបឋម ដល់អ្នកស័្មគ្រចិត្ត នៅស្រុកបូទុមសាគរ ខេត្តកោះកុង ។
ក្នុងឱកាសនោះដែរ លោកអភិបាលស្រុក លើកឡើងថា ដោយកន្លងមកអាជ្ញាធរស្រុក អាជ្ញាធរឃុំ និងអនុសាខាកាកបាទក្រហមកម្ពុជាស្រុក បានខិតខំយកចិត្តទុកដាក់លើ សុខភាព និងសុខមាលភាព នៃការរស់នៅរបស់ប្រជាពលរដ្ឋ ដោយមានគោលនយោបាយលើកកម្ពស់សុខភាព និងសុខមាលភាព របស់ប្រជាពលរដ្ឋ ។
ដែលជានិច្ចកាល លោកជំទាវ មិថុនា ភូថង អភិបាលខេត្ត និងជាប្រធានសាខាកាកបាទក្រហមកម្ពុជាខេត្តកោះកុង តែងតែយកចិត្តទុកដាក់ ដល់សុខទុក្ខប្រជាពលរដ្ឋ នៅគ្រប់ទីកន្លែងក្នុងខេត្ត ដោយមិនប្រកាន់វណ្ណៈ ពណ៌សម្បុល ជំនឿសាសនា ឬនិន្នាការនយោបាយណាមួយឡើយ ។

ប្រភព : សាខាកាកបាទក្រហមកម្ពុជាខេត្តកោះកុង
ថ្ងៃអង្គារ ៩ រោច ខែផល្គុន ឆ្នាំកុរ
ឯកស័ក ពុទ្ធសករាជ ២៥៦៣
ត្រូវនឹងថ្ងៃទី១៧ ខែមីនា ឆ្នាំ២០២០
March 17, 2020