លោក ឡេក ស៊ុធន់ មេឃុំទួលគគីរ បានដឹកនាំអាជ្ញាធរភូមិតាចាត និងភូមិទួលគគីរលើ នាំយកបច្ច័យជាថវិកាផ្ទាល់ខ្លួនចំនួន: ២០០,០០០រៀល និងគ្រឿងឧបភោគបរិភោគមួយចំនួនមានដូចជា: អង្ករ ០១បាវ ទម្ងន់ ៥០ គ.ក្រ បន្លែ សាច់ជ្រូក បន្ថែមដោយថវិកាលោក លិត តាំង មេភូមិតាចាត ចំនួន ៥០,០០០រៀល លោក ហុយ ហន មេភូមិទួលគគីរលើ ចំនួន ១០០,០០០រៀល លោកស្រី រិន ស៊ីនួន អនុប្រធានភូមិតាចាត ចំនួន ៥០,០០០រៀល សរុបទាំងអស់ចំនួន ៤០០,០០០រៀល ចូលរួមជួយក្នុងពិធីបុណ្យសពលោកយាយ ស៊ីន សៀន ជាប្រជាពលរដ្ឋស្នាក់នៅបណ្ដោះអាសន្ននៅភូមិទួលគគីរលើ នៃឃុំទួលគគីរ ដែលទទួលមរណភាពក្នុងជន្មាយុ ៨២ឆ្នាំ ដោយជរាពាធ ដោយសពតម្កល់ធ្វើបុណ្យតាមប្រពៃណីនៅវត្តរុក្ខសិលារាម ហៅវត្តតាចាត ។
រសៀលថ្ងៃសុក្រ ៦កើត ខែបឋមាសាឍ ឆ្នាំថោះ បញ្ចស័ក ព.ស ២៥៦៧
ត្រូវនឹងថ្ងៃទី២៣ ខែ មិថុនា ឆ្នាំ២០២៣