រដ្ឋបាលក្រុងខេមរភូមិន្ទ បានបើកកិច្ចប្រជុំសាមញ្ញលើកទី៤៨ អាណត្តិទី០៣ របស់ក្រុមប្រឹក្សាក្រុង ក្រោមអធិបតីភាព លោក យូ មី ប្រធានក្រុមប្រឹក្សាក្រុងខេមរភូមិន្ទ
ថ្ងៃសុក្រ ១៤កើត ខែជេស្ឋ ឆ្នាំថោះ បញ្ចស័ក ពុទ្ធសករាជ២៥៦៧ ត្រូវនឹងថ្ងៃទី២ ខែមិថុនា ឆ្នាំ២០២៣ វេលាម៉ោង ៨:០០ នាទីព្រឹក រដ្ឋបាលក្រុងខេមរភូមិន្ទ បានបើកកិច្ចប្រជុំសាមញ្ញលើកទី៤៨ អាណត្តិទី០៣ របស់ក្រុមប្រឹក្សាក្រុង ក្រោមអធិបតីភាព លោក យូ មី ប្រធានក្រុមប្រឹក្សាក្រុងខេមរភូមិន្ទ ។
កិច្ចប្រជុំនេះបានដំណើរការតាមរបៀបវារ:ដូចខាងក្រោម៖
១/ ពិនិត្យពិភាក្សា និងអនុម័តសេចក្ដីព្រាងកំណត់ហេតុ នៃកិច្ចប្រជុំសាមញ្ញលើកទី៤៧អាណត្តិ ទី៣ របស់ក្រុមប្រឹក្សាក្រុងខេមរភូមិន្ទ ។
២/ ពិនិត្យ ពិភាក្សា និងអនុម័តសេចក្ដីព្រារបាយការណ៍ ប្រចាំខែឧសភា ឆ្នាំ២០២៣ របស់រដ្ឋបាលក្រុងខេមរភូមិន្ទ។
៣/ ពិនិត្យ ពិភាក្សា និងអនុម័តសេចក្តីព្រាងគម្រោងវេទិកាផ្សព្វផ្សាយ និងពិគ្រោះយោបល់ជាមួយ ប្រជាពលរដ្ឋ របស់ក្រុមប្រឹក្សា ក្រុងខេមរភូមិន្ទ។
៤/ ពិនិត្យ ពិភាក្សា និងអនុម័ត សេចក្តីព្រាងបញ្ជីគម្រោងអទិភាពសម្រាប់កម្មវិធីវិនិយោគ៣ឆ្នាំរំកិល (២០២៤-២០២៦) របស់រដ្ឋបាលក្រុង និងរបស់រដ្ឋបាលសង្កាត់ទាំង៣។
៥/ ពិនិត្យ ពិភាក្សា និងអនុម័តសេចក្តីព្រាងផែនការលទ្ធកម្មកែតម្រូវប្រចាំឆ្នាំ២០២៣ របស់រដ្ឋបាល ក្រុងខេមរភូមិន្ទ។
៦/ ពិនិត្យ ពិភាក្សា និងអនុម័តសេចក្តីព្រាងតារាងបែងចែកប្រាក់រង្វាន់លើកទឹកចិត្តដែលបានមក ពីការផ្តល់សេវារដ្ឋបាលសម្រាប់ឧបត្ថម្ភជូនមន្ត្រី បុគ្គលិក មន្ទីរសេដ្ឋកិច្ច ក្រសួងមហាផ្ទៃ និង សង្កាត់ទាំង៣ សម្រាប់ខែ ឧសភា ឆ្នាំ២០២៣ ។
៧/ បញ្ហាផ្សេងៗ
កិច្ចប្រជុំបានរៀបចំធ្វើឡើងនៅសាលប្រជុំសាលា ក្រុងខេមរភូមិន្ទ ។
#ប្រភពពីរដ្ឋបាក្រុងខេមរភូមិន្ទ#
