លោក ក្រូច បូរីសីហា អភិបាលស្រុក និងជាប្រធានគណៈកម្មាធិការអនុសាខាកាកបាទក្រហមកម្ពុជាស្រុក បានចាត់ លោកស្រី អ៊ិនសោភ័ណ្ឌ អភិបាលរងស្រុក និងជាអនុប្រធានអនុសាខាកាកបាទក្រហមកម្ពុជាស្រុកបូទុមសាគរ បានដឹកនាំក្រុមការងារស្រុក និងសហការជាមួយអាជ្ញាធរឃុំ និងភូមិ ចុះសួរសុខទុក្ខ និងនាំយកគ្រឿងឧបភោគបរិភោគមួយចំនួនជូន ផ្ទះប្រជាពលរដ្ឋ ដែលរងផលប៉ះពាល់ដោយសារខ្យល់កន្ត្រាក់បណ្តាលឲ្យបាក់ស្រុតផ្ទះមួយខ្នងក្រាបដល់ទឹកដែលមាន ឈ្មោះ ព្រំ សាយ និងប្រពន្ធកំពុងមានផ្ទៃពោះ ប៉ុន្តែមិនបង្ករគ្រោះថ្នាក់ដល់ម្ចាស់ផ្ទះឡើយ កាលពីថ្ងៃទី២១ ខែឧសភា ឆ្នាំ២០២៣ ដែលស្ថិតក្នុងភូមិតាមាឃ ឃុំអណ្តូងទឹក ស្រុកបូទុមសាគរ ខេត្តកោះកុង។ សម្ភារៈរបស់អនុសាខារួមមាន តង់១ អង្ករ ២៥គីឡូ មី ១កេះ ត្រីខ ១ឡូ ទឹកស៊ីអ៉ីវ ១យួរ អំបិល១កញ្ចប់ ស្ករស ១គីឡូ និង ប៊ីចេង ១កញ្ចប់ និងថវិកាអនុសាខា ចំនួន២០០,០០០រៀល និងក្រុមកាកបាទក្រហមឃុំចំនួន២៧០,០០០រៀល។
ប្រភពៈ រដ្ឋបាលស្រុកបូទុមសាគរ
====================
ថ្ងៃអង្គារ ៤ កើត ខែជេស្ឋ ឆ្នាំថោះ
បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី២៣ ខែឧសភា ឆ្នាំ២០២៣
May 23, 2023
