ឃុំតាតៃក្រោម,ថ្ងៃចន្ទ ៥ កើត ខែពិសាខ ឆ្នាំថោះបញ្ចស័ក ព.ស ២៥៦៦ ត្រូវនឹងថ្ងៃទី២៤ ខែមេសា ឆ្នាំ២០២៣ ក្រុមប្រឹក្សាឃុំតាតៃក្រោម បានបើកកិច្ចប្រជុំសាមញ្ញលើកទី ១០ អាណត្តិទី៥ ក្រោមអធិបតីភាព លោក អ៊ូ ឆេនឆៃវិសាន្ត ប្រធានក្រុមប្រឹក្សាឃុំ និងជាមេឃុំ ដើម្បីអនុម័តលើរបៀបវារៈសំខាន់ៗមួយចំនួន ព្រមទាំងដោះស្រាយបញ្ហាប្រឈម និងដាក់ទិសដៅខែបន្ត សមាសភាពចូលរួមមាន៖លោក លោកស្រី សមាជិកក្រុមប្រឹក្សាឃុំ ស្មៀនឃុំ លោក លោកស្រី ជំនួយការឃុំ,នាយរងប៉ុស្តិ៍នគរបាលតាតៃក្រោម,នាយកសាលាបឋមសិក្សាតាតៃ,អនុប្រធាន ,សមាជិកគណៈកម្មការសហគមន៍តំបន់ការពារធម្មជាតិតាតៃក្រោម សរុបចំនួន ១៣នាក់ ស្រី ៥នាក់ នៅសាលាឃុំតាតៃក្រោម។