ក្រោយពីទទួលបានព័ត៌មានពីអាជ្ញាធរឃុំ ព្រមទាំងបងប្អូនប្រជាពលរដ្ឋរស់នៅភូមិថ្មស លោក ក្រូច បូរីសីហា អភិបាល នៃគណ:អភិបាលស្រុក បានដឹកនាំក្រុមការងារស្រុក ព្រមទាំងអាជ្ញាធរឃុំថ្មស សហការជាមួយកម្លាំងអធិការដ្ឋាន បានចុះពិនិត្យស្ថានភាពជាក់ស្តែងដល់ផ្ទះបងប្អូនប្រជាពលរដ្ឋនៅភូមិថ្មស ឃុំថ្មស ស្រុកបូទុមសាគរ ខេត្តកោះកុង ដែលកំពុងជួបបញ្ហា ខ្វះទឹកប្រើប្រាស់។ រដ្ឋបាលស្រុក រដ្ឋបាលឃុំ ព្រមទាំងកម្លាំងអធិការស្រុក បានចុះចែកទឹកជូនបងប្អូនតាមខ្នងផ្ទះដើម្បីដោះស្រាយក្នុងការប្រើប្រាស់ប្រចាំថ្ងៃ ដល់បងប្អូនប្រជាពលរដ្ឋនៅទីនោះឱ្យបានទាន់ពេលវេលា។ ដោយមូលហេតុប្រព័ន្ធទឹកស្អាត(ទឹកគីប) បានស្ទះប្រព័ន្ធទុយយោមួយចំនួននៅទីនោះ។

ប្រភពៈរដ្ឋបាលស្រុកបូទុមសាគរ

===================

ថ្ងៃសុក្រ ២ កើត ខែពិសាខ ឆ្នាំថោះ

បញ្ចស័ក ពុទ្ធសករាជ ២៥៦៦

ត្រូវនឹងថ្ងៃទី២១ ខែមេសា ឆ្នាំ២០២៣

ខែមេសា 21, 2023