លោកឧត្ដមសេនីយ៍ទោ គង់ មនោ ស្នងការនគរបាលខេត្តកោះកុង បានដឹកនាំកងកម្លាំងនគរបាលស្នងការដ្ឋានគោរពទង់ជាតិ នៃព្រះរាជាណាចក្រកម្ពុជា។
នៅក្នុងនោះដែរ លោកឧត្ដមសេនីយ៍ទោស្នងការ បានពាំនាំនូវអនុសាសន៍ដ៏ខ្ពង់ខ្ពស់របស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងប្រសាសន៍ឯកឧត្ដម នាយឧត្ដមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ជូនពរដល់កងកម្លាំង ក្នុងឱកាសពិធីបុណ្យចូលឆ្នាំថ្មីប្រពៃណីជាតិនាពេលខាងមុខ ។ ជាចុងក្រោយ លោកឧត្ដមសេនីយ៍ទោស្នងការ បានធ្វើការលេីកសសេីរ ដល់កងកម្លាំងនគរបាល នៃស្នងការដ្ឋាននគរបាលខេត្តកោះកុង ក្នុងការបំពេញភារកិច្ចការងារ ក្នុងរយៈពេលកន្លងមក និងបានដាក់នូវផែនការការងារអនុវត្តន៍បន្ត ជាពិសេស កិច្ចការពារសន្តិសុខ សុវត្ថិភាព និងសណ្ដាប់ធ្នាប់ ក្នុងឱកាស ពិធីអបអរសាទរ សង្ក្រាន្តខេត្តកោះកុង នាពេលខាងមុខឆាប់ៗនេះ ។
ថ្ងៃចន្ទ ៥ រោច ខែចេត្រ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១០ ខែមេសា ឆ្នាំ២០២៣ April 10, 2023
