លោកជំទាវ មិថុនា ភូថង ប្រធានគណៈកម្មាធិការសាខា បានចាត់ លោក ឈួន យ៉ាដា នាយកប្រតិបត្តិសាខា សហការជាមួយក្រុមការងារកាកបាទក្រហមឃុំកណ្តោល ស្រុកបូទុមសាគរ អញ្ជើញចុះសួរសុខទុក្ខ និងនាំយកអំណោយ មនុស្សធម៌ផ្តល់ជូនស្ត្រីទើប នឹងសម្រាលកូនជួបការ លំបាក ចំនួន០៤គ្រួសារ រស់នៅ ឃុំកណ្តោល ស្រុកបូទុមសាគរ ខេត្តកោះកុង។
នាឱកាសនោះលោកនាយកសាខា បានពាំនាំនូវប្រសាសន៍ផ្ដាំផ្ញើសួរសុខទុក្ខពីលោកជំទាវ មិថុនា ភូថង ប្រធានគណៈកម្មាធិការសាខា កក្រក ខេត្តកោះកុង ពិសេសសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប ពិសេសស្ត្រីដែលទើបនឹងសម្រាលកូនថ្មីៗ ជួបការលំបាកដូចពេលនេះ ដោយ មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការ នយោបាយណាមួយឡើយ ។
អំណោយដែលសាខាផ្តល់ជូនរួមមាន ៖
អង្ករ២៥គក្រ មី១កេស ទឹកដោះគោឆៅ២ឡូ ទឹកសុទ្ធ១កេស អាវយឺត២ ទឹកដោះគោខាប់២កំប៉ុង ធូបមូស២ប្រអប់ ថ្នាំបាញ់មូស១កំប៉ុង ខោទឹកនោម៥ខោ ឃីតកូនង៉ែត១ឈុត សាប៊ូម្សៅ១កញ្ចប់ ព្រមទាំងថវិកា ៨០.០០០រៀល ដូចៗគ្នា។
ប្រភព : សាខាកាកបាទក្រហមកម្ពុជាខេត្តកោះកុង
