លោក ឈួន យ៉ាដា នាយកសាខាកាកបាទក្រហមកម្ពុជា ខេត្តកោះកុង សហការជាមួយ មន្ត្រីនគរបាលការិយាល័យ ចរាចរណ៍ផ្លូវគោក មន្ត្រីទំនាក់ទំនងយុវជន លោកគ្រូទីប្រឹក្សាយុវជន បានអញ្ជើញជាអធិបតីចូលរួមបេីកវគ្គបណ្តុះបណ្តាលច្បាប់ចរាចរណ៍ផ្លូវគោក រយះពេល១ថ្ងៃ ស្តីពី ហានិភ័យនៃការបេីកបរក្រោមឥទ្ធិពលគ្រឿងស្រវឹង ការប្រើប្រាស់ល្បឿន ការវ៉ាជែង សិទ្ធអាទិភាពក្នុងការបើកបរ ជូនដល់យុវជនកាកបាទក្រហមកម្ពុជា ចំនួន២៥នាក់ (ស្រី១៨នាក់)មកពីវិទ្យាល័យកោះកុង ១០នាក់ អនុវិទ្យាល័យសម្តេចជាស៊ីម ៥នាក់ និងវិទ្យាល័យប៉ាក់ខ្លងចំនួន១០នាក់ ។
វគ្គបណ្តុះបណ្តាលបានលេីកយកប្រធានបទសំខាន់ៗមកបង្ហាញ រួមមាន៖
១- បង្ហាញពីស្ថានភាពគ្រោះថ្នាក់ចរាចរណ៍សកល និងកម្ពុជា ។
២- បង្ហាញពីផលប៉ះពាល់នៃការបើកបរក្រោមឥទ្ធិពលគ្រឿងស្រវឹង និងការបើកបរមិនពាក់មួកសុវត្ថិភាព ។
៣- បង្ហាញពីច្បាប់មួយចំនួនដែលពាក់ព័ន្ធនឹងការបើកបរមិនពាក់មួកសុវត្ថិភាព និងការបើកបរក្រោមឥទ្ធិពលគ្រឿងស្រវឹង ។
៤- បង្ហាញពីកត្តាផ្សេងៗដែលមានសុវត្ថិភាព ពេលបេីកបរ និងធ្វេីដំណេីរ ។
នៅថ្ងៃខែឆ្នាំដដែលនោះថ្លែងក្នុងពិធីបិទវគ្គ លោក ឈួន យ៉ាដា នាយកប្រតិបត្តិសាខា មានប្រសាសន៍ ថាសព្វថ្ងៃនេះគ្រោះថ្នាក់ចរាចរណ៌គឺជាគ្រោះមហន្តរាយបង្កឱ្យមានអ្នកស្លាប់ របួស និងពិការរាប់ពាន់នាក់ក្នុងមួយឆ្នាំៗ បើគិតជាមធ្យម មានអ្នកស្លាប់៦នាក់ និងអ្នកបួស១៧នាក់ក្នុង១ថ្ងៃ ។
លោកនាយកបានផ្តាំផ្ញើ និងកោតសរសើរដល់ប្អូនៗក្មួយៗជាយុវជនកាកបាទក្រហម ដែលខិតខំរៀនសូត្រ ក្រេបជពា្ជក់យកចំណេះដឹងនេះទៅផ្សព្វផ្សាយបន្តដល់មិត្តភក្តិនៅក្នុងសាលា និងប្រជាពលរដ្ឋយើងតាមសហគមន៍ផងដែរ ។
ចុងបញ្ចប់នៃពិធីបិទវគ្គ ក៏មានការផ្តល់មួកសុវត្ថិភាពដល់ប្អូនៗយុវជនទាំង២៥នាក់ និងបានថតរូបអនុស្សាវរីយ៍ប្រកបដោយភាពរីករាយក្រៃលែង ។
ប្រភព : សាខាកាកបាទក្រហមកម្ពុជា ខេត្តកោះកុង
