លោក ក្រូច បូរីសីហា អភិបាល នៃគណៈអភិបាលស្រុកបូទុមសាគ បានអញ្ជើញជាអធិបតីក្នុងពិធីសំណេះសំណាល ចែកសម្លៀកបំពាក់ និងសម្ភារកីឡា ជូនដល់សិស្សា នុសិស្ស ជាក្រុមកីឡាករ សាលាវិទ្យាល័យ ហ៊ុន សែន ចំការលើ
លោក ក្រូច បូរីសីហា អភិបាល នៃគណៈអភិបាលស្រុកបូទុមសាគ បានអញ្ជើញជាអធិបតីក្នុងពិធីសំណេះសំណាល ចែកសម្លៀកបំពាក់ និងសម្ភារកីឡា ជូនដល់សិស្សា នុសិស្ស ជាក្រុមកីឡាករ សាលាវិទ្យាល័យ ហ៊ុន សែន ចំការលើ ក្រុមកីឡាករកីឡាការី ទទួលបានដូចជា៖
ឯកសណ្ឋានកីឡា២៥កំផ្លេរ ស្រោមជើង២៥គូរ និងបាល់ទាត់៥បាល់
ឆ្លៀតក្នុងឱកាសនោះដែរលោកអភិបាលស្រុក បានផ្ដាំផ្ញើដល់ក្រុមកីឡាករ កីឡាការីដែលបានចូលរួមចេះសាមគ្គីគ្នា ស្រលាញ់ ចេះយោគយល់អាធ្យាស្រ័យគ្នាទៅវិញទៅមក ហើយរាល់ការប្រកួតត្រូវគោរពនៅច្បាប់របស់កីឡា រួបរួមគ្នាជៀសឆ្ងាយពីគ្រៀងញៀននិងល្បែងផ្សេងៗដែលសង្គមស្អប់ខ្ពើម។ ដើម្បីលើកកម្ពស់ដល់វិស័យកីឡាក្នុងមូលដ្ឋានផង ។ បន្ទាប់មកលោកអភិបាលស្រុក មានមតិបន្ដថាចំពោះវិស័យកីឡាជាផ្នែកមួយចំណែកសម្រាប់ប្អូនៗ តែការសិក្សាគឺជាចំណែកមួយដ៏សំខាន់សម្រាប់ប្អូនៗនាពេលអនាគត់ហើយលោកអភិបាលបានសំណូមពរដល់ក្រុមកីឡាករទាំងអស់ ចំនួន៣ចំណុច៖
១/ត្រូវខំប្រឹងប្រែងរៀនសូត្រ និងធ្វើជាយុវជនគំរូដល់ប្អូនៗជំនាន់ក្រោយ
២/ជួយថែទាំអនាម័យបរិស្ថាន ទាំងនៅសាលារៀន ក្នុងមូលដ្ឋានរស់នៅ និងធ្វើការផ្សព្វផ្សាយណែនាំបន្ដ
៣/ត្រូវនាំគ្នាឆ្លើយថាទេចំពោះគ្រឿងញៀន។ ក្នុងឱកាសនោះដែរ លោកអភិបាលស្រុកបានឧបត្ថម្ភជូនលោកគ្រូ អ្នកគ្រូចំនួន១១នាក់ក្នុង១នាក់៥០.០០០រៀលស្មើនិងថវិកា៥៥០.០០០រៀល ហើយឧបត្ថម្ភជូនសាលាចំនួន៨០០.០០០រៀលផងដែរ។
ក្នុងពិធីនេះដែរដោយមានការអញ្ជើញចូលរួម៖
-លោកនាយករដ្ឋបាលសាលាស្រុក
-លោកប្រធាន អនុប្រធាន ការិយាល័យអប់រំ
-លោកនាយក លោកគ្រូ អ្នកគ្រូ គណៈកម្មការគ្រប់គ្រងសាលា នៃវិទ្យាល័យ ហ៊ុន សែន ចំការលើ
-សប្បុរសជនក្នុងភូមិចំការលើ និងភូមិថ្មស
-ក្រុមកីឡាករ កីឡាការិនី សិស្សានុសិស្សសរុបចំនួន២៣២នាក់ស្រី១០៣នាក់ នៅសាលាវិទ្យាល័យ ហ៊ុន សែនចំការលើ ភូមិចំការលើ ឃុំថ្មស ស្រុកបូទុមសាគរ ខេត្តកោះកុង។ ក្រោយពីពិធីសំណេះសំណាលរួចលោកអភិបាលស្រុក សហការី លោកគ្រូអ្នកគ្រូ និងសប្បុរសជនចូលរួមដាំកូនឈើ(កូនក្រញ៉ូង) និងដើមតែក្នុងបរិវេណសាលា
ប្រភពៈរដ្ឋបាលស្រុកបូទុមសាគរ
====================
ថ្ងៃព្រហស្បតិ៍ ១២ កើត ខែមាឃ ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី២ ខែកុម្ភៈ ឆ្នាំ២០២៣
កុម្ភៈ 2, 2023
