លោក ចេង មុនីរិទ្ធ អភិបាល នៃគណៈអភិបាលស្រុកគិរីសាគរ បានដឹកនាំ លោក សាយ ហេង មេឃុំកោះស្ដេច លោកជំទប់ទី១ និងប្រធានសហគមន៍នេសាទសម្រស់កោះស្ដេច ចូលរួមធ្វេីការព្រលែងសត្វអណ្ដេីកសមុទ្រ (ប្រភេទល្មិច) មានទម្ងន់៧គីឡូក្រាម ទំហំស្នូកបណ្ដោយ ៤០សង់ទីម៉ែត្រ និងទទឹង ៣៦សង់ទីម៉ែត្រ ដោយបានធ្វេីការកិបស្លាកលេខសម្គាល់ដែលមានលេខ KH2430 ដែលអ្នកនេសាទ នេសាទបានដោយចៃដន្យ ស្ថិតនៅក្នុងភូមិកោះស្តេច ឃុំកោះស្ដេច ស្រុកគិរីសាគរ ខេត្តកោះកុង។
ឆ្លៀតក្នុងឱកាសនោះ លោកអភិបាល បានអំពាវនាវ និងផ្សព្វផ្សាយជូនដល់ប្រជានេសាទទាំងអស់ សូមមេត្តាចូលរួមថែរក្សា អភិរក្ស និងការពារសត្វអណ្ដេីកសមុទ្រគ្រប់ប្រភេទ និងវារីសត្វសមុទ្រដទៃទៀត ដែលជាប្រភេទសត្វជលផលសមុទ្រកំពុងរងគ្រោះថ្នាក់ នៅក្នុងដែនសមុទ្រកម្ពុជាឲ្យបានគង់វង្ស និងប្រកបដោយចីរភាព សម្រាប់អនាគតកូនចៅជំនាន់ក្រោយរបស់យើង៕ ប្រភព យ៉ាង រិទ្ធីរ៉ា
…………………………………………………………………………..
ថ្ងៃសុក្រ ១៤រោច ខែបុស្ស ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី២០ ខែមករា ឆ្នាំ២០២៣
