រដ្ឋបាលឃុំកោះស្ដេច
លោក សាយ ហេង មេឃុំកោះស្ដេច បានដឹកនាំមន្ត្រី នៃរដ្ឋបាលឃុំកោះស្ដេច ចុះសួរទុក្ខប្រជាការពារភូមិ ទាំង ០២ភូមិគឺ(ភូមិព្រែកស្មាច់ និងភូមិពាមកាយ) ព្រមទាំងបានឧបត្ថម្ភអង្ករ និងថវិកាមួយចំនួន ជូនប្រជាការពារភូមិចំនួន ២៧នាក់ ដោយក្នុងម្នាក់ៗទទួលបាននូវអង្ករ ២៥គីឡូក្រាម និងថវិកាចំនួន ២០,០០០៛ ហេីយថវិកាទាំងអស់នេះបានមកពីការកៀរគរសម្បុរសជន និងថវិកាផ្ទាល់ខ្លួនរបស់លោកមេឃុំ ស្ថិតនៅភូមិព្រែកស្មាច់ ឃុំកោះស្ដេច ស្រុកគិរីសាគរ ខេត្តកោះកុង។
ហេីយលោកមេឃុំ ក៏បានធ្វេីការណែនាំទៅដល់ប្រជាការពារភូមិទាំងអស់ អោយចេះសាមគ្គីគ្នា ប្រកៀកស្មារគ្នា ចេះយោគយល់អធ្យាស្រ័យអោយគ្នាទៅវិញទៅមក ដេីម្បីការពារសុវត្ថិភាពបងប្អូនប្រជាពលរដ្ឋនៅក្នុងភូមិ ឃុំ របស់យេីងទាំងអស់គ្នា ជាចុងបញ្ចប់លោកមេឃុំ ក៏បានសម្ដែងថ្លែងអំណរអរគុណទៅដល់បងប្អូនប្រជាការពារភូមិទាំងអស់ ដែលបានខិតខំធ្វេីការយកចិត្តទុកដាក់ប្រកាន់ភ្ជាប់នៅតួនាទីរៀងៗខ្លួន។
ថ្ថ្ងៃសៅរ៍ ៨ រោច ខែបុស្ស ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី១៤ ខែមករា ឆ្នាំ២០២៣
ថ្ងៃនេះ ជាថ្ងៃសីល
January 14, 2023