ឃុំតាតៃក្រោម, ថ្ងៃសុក្រ ១ កើត ខែបុស្ស ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២៣ ខែធ្នូ ឆ្នាំ២០២២ វេលាម៉ោង៨:៣០នាទីព្រឹក ក្រុមប្រឹក្សាឃុំតាតៃក្រោម បានបើកកិច្ចប្រជុំសាមញ្ញលើកទី០៦ អាណត្តិទី០៥ ក្រោមអធិបតីភាព លោក អ៊ូ ឆេនឆៃវិសាន្ដ ប្រធានក្រុមប្រឹក្សាឃុំតាតៃក្រោម ដើម្បីអនុម័តលើរបៀបវារៈសំខាន់ៗមួយចំនួន និងដោះស្រាយបញ្ហាប្រឈមប្រចាំខែធ្នូ ព្រមទាំងដាក់ទិសដៅសម្រាប់ខែបន្ទាប់។ សមាសភាពអញ្ជើញចូលរួម លោក លោកស្រីសមាជិកក្រុមប្រឹក្សាឃុំ លោក ហៀង ហួន សមាជិកក្រុមប្រឹក្សាស្រុក ស្មៀនឃុំតាតៃក្រោម លោកនាយប៉ុស្ដិ៍នគរបាលរដ្ឋបាលតាតៃក្រោម លោកនាយកសាលាបឋមសិក្សាតាតៃ ប៉ុស្ដិ៍សុខភាពតាតៃក្រោម ជំនួយការរដ្ឋបាល និងជំនួយការហិរញ្ញវត្ថុឃុំតាតៃក្រោម សរុបចំនួន ១៣នាក់ ស្រី ០៣នាក់។នៅសាលាឃុំតាតៃក្រោម។