មន្ទីរកសិកម្ម រុក្ខាប្រមាញ់ និងនេសាទខេត្តកោះកុង៖ ចូលរួមកិច្ចប្រជុំក្រុមអ្នកផលិត ស្តីពីការកត់ត្រាបញ្ជីស្នាម ការជំរុញការផលិត និងការរៀបចំផែនការក្រុម របស់កសិកររបស់គម្រោងស្ទៀរ (STEER)
ថ្ងៃពុធ ១៣រោច ខែមិគសិរ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២១ ខែធ្នូ ឆ្នាំ២០២២
លោក សឹង លី អនុប្រធានការិយាល័យផ្សព្វផ្សាយកសិកម្ម និងលោក ញឹម សារុន អនុប្រធានការិយាល័យកៅស៊ូ បានចូលរួមកិច្ចប្រជុំក្រុមអ្នកផលិត ស្តីពីការកត់ត្រាបញ្ជីស្នាម ការជំរុញការផលិត និងការរៀបចំផែនការក្រុម របស់កសិកររបស់គម្រោងស្ទៀរ (STEER) ដែលសហការ និងសម្របសម្រួលដោយអង្គការ Save the Children ខេត្តកោះកុង។
កិច្ចប្រជុំក្រុមនេះធ្វើនៅភូមិចម្លងគោ ឃុំថ្មស ស្រុកបូទុមសាគរ ខេត្តកោះកុង ដែលមានអ្នកចូលរួមសរុបចំនួន ២២នាក់ ស្រី ០៦នាក់។
កិច្ចប្រជុំនេះមានគោលបំណងសំខាន់ចំនួន ០៣គឺ ៖
១.ស្វែងយល់ពីបញ្ហាប្រឈមរបស់ក្រុម និងស្វែងរកដំណោះស្រាយបង្ហាញពីលទ្ធផលដែលក្រុមបានអនុវត្តកន្លងមក យល់ពីសារៈប្រយោជន៍ពីការចងក្រងក្រុមផលិត,
២.រៀបចំផែនការផលិតបន្ត និងជំរុញឲ្យក្រុមនៅបន្តដំណើរការ ទោះគម្រោងជិតចប់ក៏ដោយ,
៣.ចុះតាមដាន និងផ្តល់បច្ចេកទេសដល់កសិករគម្រោងស្ទៀរ នៅភូមិប្រៃ និងភូមិជីត្រេះ ឃុំអណ្តូងទឹក ស្រុកបូទុមសាគរ។
និងបានដឹកនាំកសិករមកពីភូមិចម្លងគោ ឃុំថ្មស ទស្សនកិច្ចសិក្សាអំពីដំណាំត្រសក់ផ្អែម នៅចម្ការកសិករ ឡាយ រ៉ន ភូមិជីត្រេះ ឃុំអណ្តូងទឹក ស្រុកបូទុមសាគរ ខេត្តកោះកុង។
ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង
